若你信了我的大話 我就能聽見你的真話: 21. 包養與交友App (上)

 
「請問係咪可以幫人搵真相?」
 
「是的。」
 
這次的客人叫Brandon，是一個三十多歲的已婚男人，而他希望我幫他調查的事情是既複雜又麻煩，甚至還有點違背我一向的操手。不過他有一個特點讓我未必能拒絕，那就是他十分有錢。
 
「我知係有D麻煩，仲可能要你花唔少時間，所以報酬我可以比多D，先五萬，若果結果滿意再比五萬，點樣?」而有錢人有樣好，就是他們只要有錢到某一個位，通常都是十分疏爽直接。
 
在金錢的誘惑下，我最後屈服了。不過在這事情告一段落後，我並沒有後悔接下這個case，因為它隨了帶給我一些新體驗外，最後還演變成一件頗為有趣的案件。




 
Brandon是一個月薪接近百萬的生意人。而雖然他結婚了，但從來卻只是會把自己的感情投放給老婆以外的女人。他喜歡女人服侍自己，凡事以自己為尊，所以結婚了一段時間後他很快便開始包養一些女人以便滿足自己在這方面心理和生理上的需要。
 
而由於他佔有慾很強，所以他一直要求被她包養的女性都只能服侍自己一個，若果被他發現她們背著他有第二個，他會亳不猶豫地終止這段關係。而就在一次當他剛放棄了一個違反規則背著她出軌的囡囡，正在交友app物識新人選的時候，他在那裏認識了一位叫阿Wing的女性。
 
Brandon並不是一位急色的人，而且他對自己養的囡囡還頗有要求，所以在尋找的過程中他並不介意花點時間去了解對方。而有一天，一個自稱尋找Sugar Daddy的用家找上了他。就像姣婆遇上脂粉客，二人一拍即合，開始了他們一天又一天的對話。
 
Wing對觸摸男人心理是很有一手，除了談天，她不時都會send一些自己的甜相給Brandon，突顯出她那豐滿的上圍和42寸的長腿。然後，他們晚上間中又會傾電話。Wing的聲線是悅耳得來帶點嗲，簡單來說是單憑這聲音她已經完全能刺激起男性最深層裏的原始慾望，而她唱歌更是動聽得能讓人完全陶醉於她的歌聲之中。在個多星期後，雖然二人還沒見面，但Brandon對Wing已經十分滿意然後提出了包養的要求。
 
「六萬一個月，但有個附帶條件，除左我之外你唔可以有第二個，得唔得?」




 
「得，但咁要加錢，十萬一個月，同埋你除左老婆同我，你都唔可以再有第三個，得唔得?」
 
對於Wing的要求，Brandon有點愕然，因為他沒遇過囡囡會主動要求自己不可以有第二個，而重點是Brandon從來都不會甘於只有一個，因為他知道只有分散投資自己才不會有沉船的可能。
 
 
「其實一般情況我都唔會理佢衣個要求，但今次要就咁放棄佢我又覺得有d可惜…」Brandon對我說道。
 
「因為你對佢產生左興趣但又未得到佢啫…你無諗過就咁呃佢?」我好奇問道。
 




「我唔鍾意咁… 或者應該話，我不屑要用呃。」他帶著自己的驕傲說道。
 
「咁你想我點幫你?」
 
「我衣家其實未答實佢，我話我要D時間考慮。所以我想你幫我查下點解佢會有個咁嘅要求。因為佢企得好硬，我想知道原因，背後會唔會有故事，咁我先有機會破解。」Brandon解釋道。
 
「但你頭先話你未見過佢，唔知佢咩樣?」
 
「係呀，現階段保持神秘感有D想像空間感覺更好。」
 
「你唔驚中伏?」我好奇問道。
 
「雖然未見過樣，但佢副偈同佢把聲都好高質，如果到時見到個樣真係太差接受唔到，咁咪算囉…」Brandon像根本不把這當一回事。
 
「為左咁大個未知數攪咁多野唔驚唔值?」我再問。




 
「有時過程比結果更加值得享受。 而且辛苦果個係你啫，我只係負責比錢。」雖然我聽完有點氣憤，但不得否認他說的又確實是事實。
 
「不過你連佢個樣都唔知，我有D難查…」沒有樣貌我的能力根本不能運用。
 
「我都明白有D難，因為搵到佢嘅方法就只有HMD (交友app簡稱)同埋telegram，而telegram你唔會無啦啦加到佢，所以只可以用HMD。不過似乎佢個topic keep住永遠都唔會轉，所以要搵到佢應該唔係咁難，只要你吸引到佢accept你就得。
 
一係咁啦，如果你搵到佢可以開始到contact，我會先比五萬你，到之後你有結果，我會再比五萬。」
 
有錢人就是豪爽。由於酬金吸引，於是我便答應了Brandon我會嘗試一下，但並不能保証甚麼。
 
 
HMD的獨特之處，是它的匿名系統和沒有照片這兩個元素。簡單來說，你只需打一句topic，甚至一個單字，便可以立刻和其他人進行配對。而只要對方接受了你的邀請，對話便能立即展開。而若果談了一會後任何一方覺得話不投機，那亦能單方面即刻離開對話。之後若果你為自己換上另一句topic，那便等於是一個全新的用家，就算是之前對話過的玩家亦不會知道原來你們是同一個人。
 
雖然早有聽聞，但真的親身成為玩家這還是第一次。在一邊摸索時我亦一邊跟據Brandon所給的提示尋找著阿Wing的身影。一開始我只是裝成R水吹的巴打和不同人聊聊天，只可惜頭兩天我都沒有看見和阿Wing topic近似的人。




 
到到第三天正當我打算再進一步直接把自己的標題換成”Daddy find daughter”的時候，突然有一個人invite我，再細看下竟然就是Brandon之前給我的那句”長腿囡囡找35+ Sugar Daddy”，於是我馬上便accept了。
 
「男人係咪都係貪新忘舊?」一進入對話佷快她便send了一個message給我。
 
「男人多數都係多情但係長情。」為了吸引她的注意，我的答案亦需要盡量有深度一點。
 
在再深入交談後，原來Wing近期早已開始懷疑她的現任Daddy有了第三個，而在今晚她得到了証實，所以十分生氣和不滿，然後便在app亂點了一個想傾計的男人來抱怨，而這正好找上了我。
 
據Wing自己講，她找上了這位有婦之夫做Daddy是兩個月前的事，也是經這個app認識的。因為岩傾岩feel，二人很快便搭上了，亦因為這樣，雖然名義上是包養，但Wing其實暫時從沒收過那男人的一分一亳。誰知近來，這男人對她開始越來越冷淡，約他又常常推說沒有空，這讓Wing產生了懷疑。
 
而今晚在較早的時間，她在app上竟然看見了他在線，於是好勝心極強的Wing故意用另一個電話和account嘗試invite他，而他亦很快接受了自己的邀請，所以Wing知道他說沒空只是騙自己，亦因而十分生氣。
 
「其實，玩得衣D，你唔係expect佢對你會認真呀?」聽完整件事的前因後果我忍不住挖苦阿Wing道。
 




「但係我條氣真係唔順嘛! 佢衣家覆我仲好似無野咁架，好似真係好忙先唔得閒陪我…」阿Wing則沒有理會我的諷刺繼續訴苦。
 
「都係勸你唔好咁執著啦，唔係只會自己辛苦… 有時間不如搵第二個仲好啦。」於是我開始嘗試轉移話題到Brandon身上。
 
「第二個我當然會搵，不過同時間都要下左衣啖氣!」
 
「咁你諗住點?」她的回答讓我知道若不解決她這個問題我很難轉到另一個話題。
 
「你覺得我點做佢先會沉返我? 我要佢沉返我然後再係佢身上拎返D著數…」Wing說出了她的報復想法。
 
「我唔了解你地，好難比意見架喎…」單憑這些資訊我的確沒甚麼意見可以比。
 
「其實我地之前真係好sweet，佢對我都好caring，因為咁我先一直無收佢錢，諗住大家開心，點知咁快佢又搵第三個… 我接受到佢有老婆，但我接受唔到有第四者…」
 
為了得到她的信任，我只好開始認真和她探討如何能讓那人夫再度關注她，又和她分析人夫的反應。但心底裏其實我知道要人夫能沉回她的機會很渺茫，因為他已經得到過。




 
「我同佢講我會走，但佢一直無覆，你估佢係咪唔會再應我? 」她詢問我的意見。
 
「我覺得唔會唔覆，覆message 個cost咁細，又有機會留住你，點會咁易放棄呀? 不過佢識玩都係想吊下你隱啫，衣家係睇下邊個沉唔住氣先。如果你又忍唔住再send message比佢，佢咪知你唔係真係想走，仲係唔捨得佢囉…」我心裏暗笑這其實只是心理戰的入門班。
 
「我都知…咁我應該點做好?」
 
「平常心啦，你想有機會嬴，就要自己唔著緊，唔係只要你一緊張過佢，你就注定會輸，感情從來都係咁。」
 
談感情若要論輸贏，說穿了不就只是一個大家都要投身其中但又偏要鬥不著緊對方的遊戲?