若你信了我的大話 我就能聽見你的真話: 3. 突變 (上)

「你好，請問衣度係咪可以幫人搵真相?」
 
這天收到的委託人叫Jonathan，而他想知道的真相是關於他太太的一些轉變。由於這故事的複雜性比較高，所以我會嘗試把他告訴我整個故事的重點慢慢分段表達出來。
 
Jonathan和Macy是在一次義工活動下認識然後很快便相戀起來，而在大家一起4年後Jonathan更向Macy求婚並於年半前完成了婚禮。
 
Jonathan是一個很有計劃的人，所以在求婚前他已憑自己本身二百萬的積蓄加上問屋企人借了一百萬的首期購入了一個約500呎的單位並打算把這打造成為他和Macy結婚後的安樂窩。
 
一切看似按計劃完美地進行，但就在結婚前的大半年，當Jonathan已經搬進了他新裝修後不久的私人單位，Macy卻突然和Jonathan說她們屋企用公屋綠表抽中了居屋，而她的母親十分渴望能購買居屋。
 




這裏先交待一下Macy的家庭背景。Macy本身一家四口居住在一間約500尺的公屋單位，不過她的父親早已去世多年，而她的哥哥亦已在和阿嫂在結婚後搬離了公屋，所以現在的公屋單位就只有Macy和她母親一同居住。而根據Jonathan所說，Macy哥哥現在居住的私人單位，是在Macy阿嫂屋企人無限金錢資助下購入，而就連他們當時二人結婚的支出，其實亦全是問Macy阿嫂屋企人借的，直至現在仍沒有還過一分一亳。所以你想的沒錯，Macy阿哥就是典型很多男人夢寐以求的人生贏家-軟飯王。
 
我還記得很清楚Jonathan在告訴我時那十分不屑的語氣，而本身對投資和數口十分敏感的Jonathan在聽了Macy的說話後想了一會便立刻理性地和她分析。
 
「其實衣家住緊公屋幾好呀，如果你或者你阿哥本身無樓住，咁居屋係抵買嘅，因為首期門檻好低，解決到住嘅問題又可以有自己樓。但問題係衣家你阿哥已經結左婚買左樓，而我地又買左樓黎緊結婚，你媽咪本身又有公屋住緊，變左根本完全無住嘅需要，咁點解仲需要間居屋? 我地買完樓，仲要裝修同結婚，錢已經唔多，如果無啦啦再要供多層居屋又要裝修，真係會好吃力，之後更加係完全儲唔到錢架…」
 
「我其實無所謂架，但媽咪真係好想買呀… 我同阿哥傾過，佢話阿嫂可以問佢屋企果邊借D錢裝修，另外我同佢就可以幫手一齊供，咁咪唔駛你拎錢出黎囉~」Macy一臉輕鬆地回應道。
 
聽完Macy的計劃，Jonathan真心覺得Macy阿哥阿嫂還真是極品，完全把阿嫂的屋企人當成是提款機… 當然他並沒說出心中所想而只是先著眼於Macy的經濟能力。因為本身在他們的共識裏，Macy在結婚後是需要每月負擔部份給Jonathan父母那一百萬的還款，還有他們自己家庭的少部份開支。若照原定計劃，Jonathan相信以Macy的收入她是絕對沒有可能夠錢供新買的居屋。
 




「你份糧夠咩? 你供完果邊咁我地衣邊呢?我地每個月仲要還返錢比我屋企人架喎…」見Macy好像完全沒有壓力，Jonathan緊張地問道。
 
Macy:「所以我地自己衣邊就要靠晒你喇，我幫唔到手架喇… 如果真係唔得或者遲D先還錢比你屋企?」
 
「…原來咁就叫唔駛我拎錢出黎? 同埋咁同我父母借錢比你地買樓有咩分別? 其實做咩咁想要間居屋呢? 得返你媽咪住，無啦啦每個月揹多舊數，居屋因為首期少所以每個月的供款唔比私樓少架，衣家間公屋都有四五百呎夠晒住啦… 再講樓市都唔會無止境咁升，賣又要補返地價，衣家買其實無咩投資價值，分分鐘仲要倒蝕埋息添呀…」Jonathan強忍著自己的不滿，不厭其煩再解釋道。
 
Macy:「我估佢好想有自己間屋掛，衣家間公屋又殘… 放心喎，總知應該唔駛你拎錢出黎啦~」
 
Jonathan:「我唔駛拎錢出黎幫你果邊，但衣邊變左全部我揹晒… 咁其實同我拎左錢幫你果邊有咩分別?」
 




Macy:「咁你搵得多D嘛，唔好咁計較啦… 你睇我阿嫂問佢屋企借錢都唔駛還嘅~」
 
「咁係你阿哥同阿嫂比較極品啫，當屋企人係提款機借極都唔駛還，比著我真係做唔出… anyway，唔係呢，條數真係攪唔掂…如果你地真係要非買不可，唯一方法就只有買個大D嘅居屋單位我地搬去同你媽咪一齊住，然後租返一間屋出去收租幫補下… 反正第日我地生小朋友，有你媽咪幫手照顧都好嘅…」
 
Jonathan就知道她一定會拿她阿嫂和自己比較，不過他還是努力忍耐著並在沒辦法下提出了一個可能令他後悔終生的建議。
 
「我無所謂呀，但你真係ok?」Macy見Jonathan開始鬆口，臉帶笑容地問道。
 
「如果可以比我揀，我會選擇唔要間居屋… 同埋如果你同你阿哥一齊供，第日可能會好煩架，一牽涉到錢分分鐘兄妹都無得做， 我屋企D親戚已經比左個人版你睇啦…」Jonathan想起自己母親的兄弟姊妹就是因為錢的問題而全部斷絕了來往。
 
Macy:「咁一齊住囉~」
 
結果Jonathan為了滿足Macy家庭的欲望，毅然下了這重大的決定。
 
 




終於，Jonathan和Macy順利結婚，並把原本自己精心設計的新居租了出去，然後和Macy一起由市中心搬到交通十分不便的新居屋和外母一同生活。首期十多萬由外母負責，每月居屋供款由Macy負責，而Jonathan則負責新居屋四十多萬的裝修費，每個月自己私樓的貸款還有初初自己父母借給自己一百萬首期的定期還款。幸好因有租金幫補，生活尚算過得去，而且每個月還可以有少量的盈餘作儲蓄。
 
財政上的問題看似解決了，但同時間又有其他問題會產生。對大部份人來說，其實不難想像和外母一起居住會因為大家生活習慣不同而發生甚麼問題。例如老人家不知為甚麼總是缺乏衞生常識喜歡把食物放在地下，廿四小時在家的客廳收看CCTBV不同的節目，口罩總要戴數天才肯更換，放了四五天的隔夜餸會照樣拿出來給大家繼續享用等等… 一切一切都讓Jonathan極度不習慣及覺得自己嚴重失去了私人空間，不過憑著對Macy的感情，他都咬緊牙關一一強忍下來。
 
可惜就在結婚三個月後，一切都突然改變了。不知為甚麼，Macy對Jonathan的態度突然出現了極大的轉變。以前她出街總喜歡拖著他，在家總喜歡黏在他身旁說過不停。但突然間，她不再要求他拖著她，然後每晚下班都會很晚才回家，就像是故意要減少二人需要相對的時間。然後她對他相對無言，慢慢地，當Jonathan想主動拖著Macy的時候，她會把他的手撥開，想抱她吻她的時候會把他推開，更勿論再進一步的親蜜行為。
 
Jonathan有問過Macy到底發生甚麼事，但Macy卻總是避而不談，只會說”沒事”兩個字。Jonathan有想過會不會是出現了第三者，但從她的言行舉動加上一些秘密調查後又覺得不像。而在經歷了三個月的冰點時期後，兩人關係慢慢出現了好轉，Macy開始回復回往常的樣子，會主動和Jonathan說話，放工亦準時回家，間中又會用比較”嗲”的語氣和Jonathan溝通，一切看似回復正常，唯獨一件事是Macy仍抗拒和Jonathan任何的身體接觸。不過由於二人相處關係有好轉，所以Jonathan並沒太著急，希望以這步伐慢慢有一天他們終能完全重回舊昔的關係。
 
可惜隨著時間一個月又一個月地過去，二人的關係自此卻再沒任何進展。到到現在，二人已經15個月沒有擁抱，接吻和性行為。至於拖手則永遠是Jonathan主動，並且只有一半的機會成功沒被人撥開。其實每次被Macy拒絕和推開，Jonathan的內心都感到十分難受，而慢慢地，由於他不想再經歷這種被拒絕的感覺，所以亦漸漸減少了嘗試的次數。
 
中途其實Jonathan不是沒有嘗試和Macy表達不滿，但Macy總是冷回應然後第二天便裝作沒事一樣。可惜Jonathan始終正值壯年，對各方面都會有需求，加上和外母同住的壓力和不快讓他終於面臨崩潰。他的身體開始出現各種不適的症狀，例如失眠，頭痛，有時又會心悸和呼吸困難等… 醫生給他的診斷認為這些症狀的成因很大機會是由心理壓力造成。這終讓他知道他不能再逃避，必需要面對現實了。
 
還有一點是一直以來Jonathan都很想有小朋友，這亦是他願意和外母同住的最大原因。但當之後他向Macy提出時，Macy卻直接拒絕並說自己不想生小朋友。這讓Jonathan有種被騙的感覺，他不明白那自己為甚麼要過得這樣委屈。當然，他亦明白以現在二人狀態確實不應該有小朋友，加上社會事件亦讓他淡化了想要小朋友的憧憬，但這卻始終在他心中留下了一根刺。
 
其實他能感覺得到Macy對他，已經不是愛情而單單只有同屋主又或是親人那種的感情。但他想知道原因，為甚麼自己為對方付出了那麼多，但結婚三個月後就一切都改變了…他覺得自己很卑微，好像只是不斷地搖尾乞憐奢求著對方的愛，他甚至覺得可以用”折墮”兩個字來形容這一段時間的自己。




 
機緣巧合下，他知道了我的存在，亦因而希望我能幫他解開心中的疑問。
 
 
「你衣個問題有D複雜，不過我都可以試下幫你嘅… 酬勞方面我都唔特登收你喇，你只要之後話返後續嘅故事我聽就得，我都想睇下自己幫唔幫到你。」
 
聽完Jonathan的故事，個人第一感覺是他不但像Macy阿嫂一樣慘被當成是提款機，更甚的是被提款完後更是被用完即棄。基於同情，我決定不收他的一分一亳。不過同時間我心入面又有種感覺事情未必是這樣簡單。於是問他拿了Macy的照片和一些簡單背景後，我便開始了我的準備功夫。