自尋短劍 (己完結): 第10章

第10章

———臨近Year 2學期尾，我有個Project係要做一啲街頭音樂。

———我要拍一條片講解街頭音樂嘅特性，亦可以試吓自己融入或者創造街頭音樂。

———我喺某地鐵站出口搵到一隊做緊Busking賣唱嘅組合，趁佢地休息緊果時搵佢地做錄影同訪問。

———我著住一件白綠色疊V領碎花短裙，一對啡色尖頭平底鞋。



———啡色長直髮、化咗妝、戴哂耳環、帶稚氣尾音嘅女聲，呃哂所有人以為我係女大學生。

———組合嘅主音係個幾型嘅男仔，佢介紹自己叫Duncan，佢肯抽時間幫我拍片。

———佢地組合名叫Joker，由三個業餘界嘅男仔組成：主音/結他Duncan，低音結他手呀峰，Keyboard呀聰。

———做完訪問佢地邀請我一齊玩返首歌，叫做幫我完成學校份功課。

———佢地咩歌都有玩，Duncan好好人，主動讓個主音位俾我，佢彈結他。



———於是我揀咗首J Pop嘅Yui - CHE.R.RY嚟表演。

———我嘅Busking處女作叫做幾順利，第一次當眾用女聲唱歌，人來人往嘅街道真係有人會停低落嚟欣賞音樂。

———我真係好Enjoy好投入，覺得擁有一片自己嘅音樂舞台，莫名其妙咁有一種感動、熱血！

———Duncan讚我唱得好好，不斷游說我玩多一兩首，結果一玩就玩咗6首女聲歌。

———Duncan問我之後有無興趣一齊夾Band，我諗都唔諗就應承咗，仲交換埋電話日後聯絡。



———之後去咗Band房幾次，喺街頭Busking咗幾次，我同Joker啲人熟絡咗。

———有一次我地同Duncan慶祝生日，呀峰個衰人逼我Kiss壽星仔，我真係好尷尬。

———雖然我知道型仔Duncan有好多女朋友，根本唔會將呢個Friendly Kiss擺上心，但我會…

———或者我用咗荷爾蒙藥都有差唔多一年，搞到我身體有好多雌激素，我居然會覺得Duncan好吸引…

———有一次Duncan嚟咗中大搵我，我帶佢喺中大周圍行，好似拍拖咁相處咗大半日。

———當日Duncan問我有無男朋友，我坦白話我有個同居女友，佢個樣好似好失落。

———之後表姐同我鬧咗場交，表姐發現咗我成日用手機同Duncan Send Whatsapp。

———表姐問我係咪鍾意男人，無論我點解釋，佢都係覺得我唔啱，將我同珊姐撈埋一齊鬧，又鬧我變態死Gay佬…



———我同表姐因為呢件事而冷戰，最後我主動同Joker班人疏遠，再無同佢地去Busking。

———即使係咁，我同表姐都係返唔到去之前果種感覺…

———最後我提出分手…

———最後表姐並無挽留…

———好快表姐就搬走咗，制低我一個人去決定自己嘅路… 佢永遠唔會知道我有幾後悔…