《不一樣的記憶》(科幻/男生/那些年) 瑤瑤系列: 第四章 校園生活
第四章 校園生活
(以下內容,"我"=家朗)
開心還開心💜, 人生第一個戰場終於正式開始, 就係去考小學了。
其實之前以為只要面試考好啲, 甚至乎筆試, 就會入到一間好嘅小學, 但係事實一啲都唔係咁。
原來要入一間小學, 一係父母係舊生, 一係有兄弟姊妹在校, 一係有宗教背景。 我嗰三樣都冇, 只可靠運氣去抽籤, 真心咁睇到另外一條重要的起跑線, 原來早已經在父母手上了。
瑤瑤叫我考一間天主教的小學, 因為佢想我了解佢讀書時候更多的經歷, 以及知多啲靈性方面的修養。
最後都好好彩, 抽到一間不過不失嘅小學, 叫做有書讀啦。 對我嚟講, 總比起結界叫做有啊！…🤔
瑤瑤說:「你記住要正正經經讀好書呀, 唔好掛住玩呀, OK?😉」
朗:「一定一定!! 要玩當然留返同你玩啦~ (漏口水🤣) 今晚我哋玩咩好…🤭」
瑤:「我唔係玩的 (嬲嬲😡)!!」
入到小學後, 發現學習的模式係完全唔同幼稚園, 係好唔同。 呢度每日都好多功課📚要做, 同埋差唔多每個星期都有默書📚, 亦都要應付測驗📃和考試📄。
其實我每一日都好專心咁聽書, 但係班同學實在太曳, 老師每次入到班房都係鬧人, 根本冇乜時間去教書, 好多都消化唔切。 好彩, 我背後有瑤瑤幫我補習, 每日我都好辛苦咁問佢我唔明嗰啲。 不過, 功課始終都係自己做, 真係好辛苦☹️。今晚要手仔按摩先, 嘻嘻, 不過係搵媽媽…😜
由於我背後有瑤瑤幫我考試測驗📃📄, 我每一次攞啲分數都係滿分🥇, 好快我已經成為咗學校嘅高材生, 老師心中的叻仔, 好受教職員校長歡迎。 亦都理所當然咁樣, 每年我都好容易就做咗班長, 也是同學們憎恨的對象。
小學由細到大, 同學都分黨分派, 女仔就唔會同男仔玩嘅。 男仔就一堆自己玩, 成日講埋啲爆旋陀螺嘅白痴嘢😥。 我就兩邊不是人 (唉)☹️☹️。
其實啲同學都真係好搞笑, 少少嘢大家都起紛爭, 例如唔小心撞到個同學, 咁就會比人告發:「我一定會話比老師知!!」好似邊個先發制人就會勝利咁, 哈哈🤭。
我就冇呢啲「福份」啦, 因為根本冇人同我玩呢啲小學雞野。 我自小已經身體唔好所以比較瘦弱, 處處都畀男同學們蝦我, 亦都全部一齊欺負我 (哭😭😭), 根本就冇人可以幫到我。
不過我成績好呢方面, 就吸引到好多考列前名的女同學😋。 每次小息呀, 落堂呀, 佢哋都爭相搵我問功課, 由其是女同學靜香, 佢每個大小息都幾乎來搵我。
(靜香係一個好文靜, 好可愛嘅女仔, 讀書又叻)
靜香問我:「點解你成日突然上上下堂會大嗌"喪屍", 你係咪睇得恐怖片太多😅。如果唔係你成績咁好, 我仲以為你係咪智力出現問題😅😅!! 同埋你係咪好鍾意玩搖搖😝?」
我笑而不語😬😬
有一次烈日當空之下, 我同靜香喺操場上。 我真係認唔住要問佢了:
「靜香呀, 其實無論天氣點凍定熱, 點解你一直都著住呢件長袖冷衫呢? 而家咁熱, 點解你唔除咗佢呢?」
靜香答:「我…因為好怕凍…🤧」
朗:「但係我見你髮鬢嗰度已經開始滴緊汗渦…🙄」
靜香紅都面埋冇答我了。 放學後我就同瑤瑤講呢個怪人, 瑤瑤答我:「(滴汗中😥) 個女仔應該係啱啱發育, 胸部啱啱脹起, 呢個時候係少少唔自在, 女同學之間也為直接間接比較。 為免麻煩咪遮住佢囉!!😌」
第二天, 我就同靜香講:
「我明白你了, 其實你個胸都唔係好大遮, 唔怕啦, 除咗件冷衫舒服下啦!!🙄」
靜香面曬紅答:「唔想睬你呀 !😠」
她心裏好hurt咁走咗去。
我又走去問瑤瑤:「佢入面應該冇戴bra🔗, 佢咁細應該都唔需要戴防撞啦…🤔」之後我被人罵到一面屁, 話我冇常識…好冤枉囉😥, 常識都冇教呢d…🥺
其實心裏面一直疑惑, 點解叻女一定係戴眼鏡呢, 而且一定係唔靚嘅呢, 無論髮型膚色嘴巴眼睛, 總是比差學生爭好遠, 或者上天係公平的。 呀~! 咁瑤瑤細個成績應該好差, 呵呵呵🤭🤭🤭。
女同學在我心中就係一堆群體的動物, 無論去廁所呀, 行街呀, 溫書呀都要一齊, 細聲講然後露奸笑。唔知我嘅瑤瑤係咪都係咁㗎呢??🤔
眨下眼好快就六年, 其實除咗喺學校返學之外, 我也考咗好多公開試, 包括中學文憑試。 當然我也毫無壓力下考爆分, 瑤瑤的大數據電腦🖥️根本係無敵。
完成了六年的小學生涯, 不需升上中學, 已經有大學取錄我了。同學們大家都交換咗紀念冊📚, 估唔到平時蝦蝦霸霸的男仔胖虎也要我交換紀念冊, 人都係要到分開先識珍惜。
(胖虎平時蝦蝦霸霸, 人見人怕, 可是到畢業嗰日, 佢自己都有唔開心)
畢業禮的那一天, 同學都笑我:「你老婆響嗰邊等緊你呀…嘻嘻嘻!!😂😂」
最後一天都畀人笑 (無奈😢)…
靜香就走過嚟對我說:「家朗, 今天我們畢業了, 恭喜你升上大學。我…其實…一直都… 總之我好唔捨得你…😭😭😭」講完之後佢就擰轉頭喊住咁走, 大家都各自各離開校園, 我亦都冇時間同佢講清楚了。
雖然我對靜香嘅感覺係普通同學嘅關係, 但係我從佢心底話體會到在呢個社會, 人係需要有個伴, 互相支持, 才會撐得住一直走落去。 有我每天都陪住佢, 所以我係佢果支柱。 如果我沒有瑤瑤, 我根本唔會考第一, 考第一嘅應該係佢😌。 希望佢升到中學之後, 都能夠搵到一個同佢互相支持的好同學。我心裏💙永遠祝福你!! 我自己亦都好期待等到瑤瑤返嚟的一天!!
待續~~~