《一個訂婚書生嘅出軌故事》: 書店

我陪伴江柏琪到書店訂購與工作相關的參考書籍。

那是一家位置隱閉，專門售賣外國書籍的小書店。

要不是江柏琪帶我來，我根本不會知道在鬧市的區域多走幾步便是樹木林立的街道，寧靜怡人。

「前排你咪提過想進修讀Master嘅，報成點阿？」我問江柏琪。

「我想望望啲書，Feel吓啱唔啱讀再決定。」她回答：「可能唔讀了，直接去幫Professor做Research。」





我在想，她本來打算讀一個碩士學位進修，分明因為要支付父母的禮金，所以有將計劃擱置的想法。

「喂，其實學費係分期付款，我地財政唔係緊拙到令你書都唔去讀！」

也許被鍾美嘉的對話影響了我的心情，人不自覺地焦躁起來。

「唔係，我都有考慮過⋯唔一定要讀Master嘅，做醫學Research都好有意義。」

「問心果句，你想唔想讀Master先？」





「想。」

「咪係囉！乜嘢睇吓啲書啱唔啱feel再讀？」我重申：「我唔撚想你為咗禮金呢個On9理由而放棄讀書。」

「⋯」

「總之，陣間返到屋企我幫你填Form報名。」我的語氣帶著不耐煩。

「雖然我知道你關心緊我，但聽到感覺有啲不爽。」江柏琪說：「如果你語氣可以溫柔返少少就好囉。」





「OK，下次我注意吓。」

江柏琪一臉拿我沒辦法的表情搖頭。

「咁你仲訂唔訂書？」我問。

「訂。我都真係想睇嘅。」

說罷江柏琪便找去店員預訂書藉。

而我竟然看見Stephanie就在我和江柏琪的面前，她正獨自一人跟店員取書！

「Stephanie！」她整個人站在我面前，我總不能不打招呼。

Stephanie轉身望到我有點驚訝，輕輕睜大雙眼，說了聲：「乜咁啱嘅！」





「係阿，陪女朋友攞書。」我說。

Stephanie眼神掃描了江柏琪一下說：「我就心諗乜你都會睇書咁有文學修養㗎咩。」

「你夠係。」

「其實我都好少睇，我經過幫男朋友拎啲Design Reference Book。」

「哦。」

「咁唔阻你地拍拖，我走先啦！」

「好啦，拜拜。」





即使住在相同區域相約見面也不容易，更何況是跨區的Stephanie。而我們最近竟能夠巧遇兩次，實在有緣。

Stephanie的出現分散了江柏琪和鍾美嘉為我帶來煩亂心情，我需要從她們兩人中逃離，找回一點喘息的空間。

我：【今晚有咩做？】（16:30）
Stephanie：【無阿，做咩？】（16:41）
我：【不如出嚟食餐飯？】（16:53）

無視鍾美嘉一堆情緒勒索留言以及未接來電，我伺機發短訊給Stephanie，緣份為久未聯絡的我提供一個理由找她見面敘舊。

因為是即興隨心的想法，在決定找她之前，我並沒有思考太多後果。

Stephanie：【（輸入中⋯）】（16:55）
Stephanie：【👌🏻我返屋企擺底啲書先】（17:04）
我：【6半嚟車你？你仲係住喺啟德？】（17:10）




Stephanie：【我而家住喺大角嘴】（17:20）
我：【原來係街坊】（17:22）

「我今晚約咗人食飯。」我和江柏琪說。

「好，我返去探吓阿媽。」她剛好也需要一點私人空間。