鐘意咗女朋友嘅好朋友: 4

佢好朋友叫呀琪，呀琪上年坐我前面，佢都嘅靚女嘅，個子唔高，但係好得意，雖然平時冇乜講嘢，但係笑起上嚟真係好甜，好可愛。上年我同佢都成日講嘢，又會一齊打機，當然呢啲都係我未拍拖之前嘅事啦。直到今年，我同呀琪唔同班，講嘢嘅機會少咗好多。但係我同佢其中一個選修科，又係坐佢前面，但係因為佢知我拍咗拖嘅原因，少傾咗計。但係呢排，我同女朋友嘅關係唔太好，我發覺我自己成日想去見佢，好想見到佢。原來我鐘意左佢。佢嘅價值觀，愛情觀都同我好相似。我好想同佢一齊，但係我又好驚要同呀瑤分手，之後又追唔到呀琪，到時賠了夫人又折兵，咪仆街。依家嘅我好矛盾，我都唔知點算好