鐘意咗女朋友嘅好朋友: 1

中三嗰年，我識咗依家嘅女朋友，佢叫呀瑤，佢戴著一副圓框嘅眼鏡，總係斯斯文文咁。嗰陣佢坐我前面，一開始大家三唔識七，幾個月以嚟大家隨咗功課上嘅交流外，都唔會講其他嘢。直到有一日，佢突然之間擰轉個頭，問我：「你係咪籃球隊㗎，我琴日係樓下見到你打波好勁喎。」之後我就答佢：「哦，係咩，打得麻麻哋啦，我係籃球隊呀，做咩咁問。」呀瑤就話：「無，你可唔可以幫我一個忙呀。」我答「靚女叫到，我一定幫嘅。」。呀瑤：「我鐘意嘅嗰嗰男仔，都係籃球隊㗎，可唔可以幫我呀。」我二話不說就答應下來。隨此以後，每一堂我都同佢有講有笑，講嘅嘢大概都係圍繞住點樣成功追到佢鐘意嘅嗰個男仔。