因為個火山孝子，我識左對孖妹: 後記

後記
多謝大家願意花時間睇呢篇文，我一開始只係心血來潮諗到個題材就寫，連男女主角叫咩名都未諗就落筆。

我冇諗過咁短時間內有咁多人睇，但係啲hit rate都係用文章數量堆砌，因為我前期日更三篇，如果我話唔係想谷下啲hit rate就真係講都冇人信，寫故梗係想多啲人睇。但係本身寫故就真係諗住玩下，反正排行榜都係用嚟打飛機。

開頭用玩嘅心態寫真係寫得好順，寫到中段開始有啲阻滯，所以由中段開始個人都覺得開始爛。由一開諗到就寫，去到後面又要左度右度，真係有啲想棄故，終於明點解有咁多爛尾故，因為真係好難寫。

呢篇文不足之處太多，文筆垃圾不在話下，我開頭懶醒諗住用角色名做伏筆，到最後都冇用到。仲有大家應該留意到蒂蒂嘅篇幅係多過淇淇，呢個又係因為我太廢唔識做平衡。
見到有讀者留言話淇淇同男主嘅經歷唔太多，要我解釋嘅話，最好嘅藉口就係呢篇文係男主嘅角度，實情係我寫嗰陣真係寫少左，但係我之後會寫埋淇淇嘅角度。





其實一開始我都諗住完左正文之後寫孖妹嘅視角，原本係想每人一篇視角就算，但正文寫到一忽忽，我諗應該會寫長啲，尤其係淇淇。不過需要啲時間先出到，我唔想連呢兩篇野都爛埋。原本仲諗住完左呢個故就慢慢寫下一個故，已經有啲構思…

廢噏太耐，冇咩事我都係出返去度下點寫埋嗰兩篇野。


最後再次感激大家睇我呢條廢柴寫嘅文。












最最最後，想問下大家係孖妹之間會點揀?我自己寫文嘅時候都搖擺不定…(不設why not both)