因為個火山孝子，我識左對孖妹: Ch.57

我向示意蒂蒂坐下，準備與她促膝長談…

我先為之前在醫院照顧我和今天晚餐向她道謝，然後又說:

「蒂蒂，我知你為我做左好多野，亦都知你點諗…不過我…」

「我咪左話我明囉，唔洗再解釋喎。」蒂蒂插嘴說。

「你知我想講咩?」





「都俾你拒絕左咁多次啦，點會唔知…」蒂蒂若無其事的說。

「由你一醒返就搵家姐，到你就算知道家姐走左就堅持要搵佢，我就知你心入面只有佢…」她繼續說。

「我唔係想講呢樣…我係想講我唔知點回應你嘅心意。」

我說我一開始怕把她當成淇淇而傷害到她才拒絕，後來不斷拒絕反而傷害更大，而且面對她一直以來的示好，令我想對她彌補之前的一切，我想嘗試與她開始…

「阿峰，愛情唔係咁架，我想要嘅唔係彌補，你咁樣強逼緊自已…」蒂蒂的回應出乎我意料。





「我冇搿硬逼自已，我係真諗住放低淇淇。」

「如果你要放低一早就放低左啦，係家姐走左你先逼自己放低啫。」蒂蒂說。

被蒂蒂這樣一說，好像說中我內心最深處的想法…

「咁點解今日仲要為我做咁多野?」我問。

「因為我鍾意你囉，每次為你付出都好開心，就算你冇因為咁而鍾意我。」






「不過呢我都係人嚟，食得多檸檬都會覺得酸，所以我定左個期限…」她又說。

「咩野期限?」

她回答她會慢慢的忘記我，直到那個期限就會完全忘記我…

「今晚呢餐係報答返你之前為左我煮飯，我嘅付出亦到今晚為止。」蒂蒂輕輕的吐出這句。

我原本打算放下淇淇，接受蒂蒂的心意，豈料被蒂蒂一語道破我內心想法，還被她乾淨利落的拒絕我…

被她拒絕後，我們以一個擁抱作告別…一個象徵友誼的擁抱。

我被蒂蒂拒絕後的失落感沒有太多，可能蒂蒂說得對，我對她的感情不是愛情…





那天之後，蒂蒂再沒像之前一樣經常找我，只是偶爾跟大家一起聚餐，我倆的關係回到普通朋友。而Sandy那群女生一開始也來盤問我為甚麼放棄蒂蒂，我說是蒂蒂放棄了我，她們後來也沒再追問…

生活中少了蒂蒂，空虛感隨之而來，蒂蒂不知不覺已經成為我生活中的一部份。我分不清是習慣有她的存在還是對她還有特殊感情…

最令我困擾的是我一邊記掛有蒂蒂在的日子，同時心裡一邊想著的是淇淇。我就如蒂蒂所說，根本沒辦法放下淇淇。起初以為我可以漸漸忘記她，日子久了的確不是經常掛在腦裡，但每當夜闌人靜時，我總會想起淇淇…

「得啦，就到啦。」我說畢就掛掉通話。

剛才那通電話是肥軒打來催促我，今天我約了肥軒在酒吧見面…

「屌你，自己約人仲要遲到。」肥軒先噴一句。

「我生日大晒，遲少少係咪唔俾?」我回他。

「明明佢地都話幫你慶祝生日，你係都唔要，偏偏約我嚟飲酒。」肥軒又說。





「我不嬲唔慣生日咁多人架啦，不嬲都一支公過。」

「咁你又約我?」

「今年我又唔想一支公過啊嘛，陪下我洗死咩?」

我以往多是孤身過生日，但今年卻不想一個人在家渡過，可能是避免在家又想起淇淇…

「睇你個撚樣明顯係唔想見到蒂蒂，先話唔搞生日。」肥軒喝了一口酒說。

「唔係囉，我同蒂蒂咩事都冇，仲係朋友，係我唔鍾意太多人同我慶祝。」我反駁。

「係冇事嘅你會嚟飲悶酒?」





我說不一定是切蛋糕吹蠟燭才叫生日，早就過了那種年紀。肥軒卻說這只是藉口。我沒理會他，只在埋頭喝酒，又突然聊到以前的往事…

「你同以前一樣，你嗰陣知道左隔離班個女神拍拖之後，嗰年生日又係搵我打通宵機。」肥軒突然憶當年。

「嗰陣你話要打到上鑽，我先同你打通宵咋。」

「仲有中五嗰年呢，講到係威係勢生日同條女過，到最後咪又係搵我。」他又提起另一段歷史。

「我點知佢會前一日同我分手…」說到這我又拿起酒杯灌了一口。

我與肥軒聊著往事，又不斷的把酒往嘴裡灌。直到我有點神智不清…我好像看到淇淇的臉孔出現在我眼前…