因為個火山孝子，我識左對孖妹: Ch.40

放下結他後，我逃過三人的纏繞離開party room…先去找肥軒。

至於特地先找肥軒的因原是他昨晚半夜臨時傳來訊息，說今天出發前先討論表白的細節，仆你個街又說看你表演，到頭來還是要我幫忙。

「得未啊?搞咁耐。」我催促在洗手間的肥軒。

「得啦。」肥軒從洗手間出來。

肥軒一身造型與過往不同，加上他瘦身有成，我幾乎認不出是肥軒…





「洗唔洗咁型啊，又gel晒頭又盛咁。」我望著肥軒說。

「今日重要日子，梗係去到盡。」

「得啦，溝死女啦，快啲行啦。」我翻他白眼。

去partyroom途中，我才記起要討論一會的細節…

「一陣你想點搞啊?」我問。





「好簡單，你幫我……我就去………」肥軒說著他的計畫。

我舉起手勢示意無問題…

我又留意到肥軒帶了一個紙袋，我好奇問他還準備了甚麼…

「呢袋咪係淇淇生日禮物。」

Shit!最近的煩事讓我完全忘記準備生日禮物，現在已經在出發路上…要買都來不及。不過今天的主角不是我，應該不會注意到我吧…





「咩嚟架?」我又問。

「一陣間你咪知。」肥軒裝作神秘。

「懶神秘。」

經過短暫的車程，我又再次回到partyroom的門前…

把門推開，淇淇已經在裡面…

「咁遲架，又話唔遲到。」淇淇鼓起泡腮。








其實我早就來了，要不是肥軒…

「呢條粉腸囉，搞勁耐先出門口。」我指著肥軒。

「你係阿軒?成個人唔同晒喎。」淇淇望著肥軒說。

「係咩?可能係瘦左啫。」肥軒害羞的回答。












我向三位女生介紹肥軒，Sandy明目張膽的上下打量肥軒。

和她們基本的寒暄後，Sandy把我拉到旁邊…

「就係佢?」Sandy問。

「係啊，有咩問題?」

「我覺得淇淇對佢冇興趣，叫佢表白咪即係推佢去死。」她又說。

「咁唔試過又點知喎。」

雖然我也想過肥軒有機會失敗，看到肥軒的幹勁不忍挫他銳氣，讓他試試說不定會成功…

「喂，你地係嗰度傾咩啊，過嚟影相啦。」淇淇揮手示意。





影過幾張大合照後，四位少女進入瘋狂拍照模式，我和肥軒趕快逃離…

我口裡叼著塊披薩看到遠處的肥軒在一旁看著電話，我走過去…

「係度睇AV啊?鬼鬼鼠鼠咁。」我拍一拍他的肩膀，肥軒被我嚇一跳說:

「屌你嚇鬼咩，我睇緊歌詞練多陣歌。」

看得出肥軒有多重視待會的表白，我叫肥軒陪我打機先放鬆一下。

突然所有燈關上漆黑一片，只見Sandy從門外拿著蛋糕出來，又唱著生日歌。其實都已經是生日會，為甚麼還要搞這種了無新意的驚喜。眾人圍著淇淇看著她做些指定動作，許願吹蠟燭切蛋糕，然後循例又會有人問剛才許的第三個願是甚麼，為甚麼人總是照著既定劇本走…

「你地份生日禮物呢?」淇淇望著我和肥軒。