因為個火山孝子，我識左對孖妹: Ch.37

我與淇淇並肩走在回家路上，在不遠處隱約看到兩個人的身影…

淇淇家就在前面，我們走近那兩個身影，二人擁抱著，我和淇淇看得尷尬欲從旁快速走過，免得打擾他們。

一步一步走近，微弱的街燈灑到那兩個人的臉龐上……是蒂蒂和Nicholas。

我想回頭，但兩腳僵硬走不動，整個人豎在街上發呆…

「喂，你冇野嘛?」淇淇拍一拍我。





「你都就到屋企，我送到呢度，走先byebye。」我立即潛逃。

此時，淇淇也發現蒂蒂他們就在前面…

「你到而家仲想逃避啊?」淇淇拉著我。

「我唔知啊，淨係唔想見到佢地。」

我以為已經慢慢的放下蒂蒂，即便這段日子我都沒再跟蒂蒂聯絡，也不曾看她的IG，但她活生生出現在我面前，而且與Nicholas擁在一起，又再把我的痛苦從深處勾出來。





我與淇淇糾纏之際，被不遠處的二人發現…

「家姐，咁啱嘅，你地去完街啊?」蒂蒂已經開口，我無法逃走。

「係啊。」淇淇把我拉過去。

Nicholas望向淇淇又報以一副不屑的眼神望向我。

「阿峰，好耐冇見啦喎。」蒂蒂對我說。





「係…係囉，好耐冇見。」我突然結巴。

「你兩個幾時咁熟架?仲一齊出街…唔通。」蒂蒂又用戲弄的語氣說。

「唔係你諗咁架，我地冇野架。」我連忙澄清。

「講下笑啫，唔洗咁認真。」蒂蒂道。

「有時有啲野認真好啲，尢其係感情。」淇淇向Nicholas瞥了一眼說。

「都夜啦，唔企係度講咁耐，快啲返上去啦。」我出來打圓場順便想離場。

「Charlotte，我返到去再打俾你。」Nicholas向蒂蒂說。

「嗯，返去小心啲。」蒂蒂說。





接下來一幕比剛才擁抱更來的要命，Nicholas在蒂蒂額上輕吻一下…

「喂啊，呢度有其他人架。」蒂蒂嬌羞地說。

他倆互動之自然，看得我魂飛魄散，心如死灰。我站在原地不動，剛才一幕為之震撼，久久不能平復。直至她們進了大堂，大門關上發出聲響才把我魂魄攝回來…

「你好似叫阿峰啊可?」Nicholas原來還未走。

「就憑你，就想追Ariel?慳啲啦。」Nicholas不屑的說。

「你而家女朋友係蒂蒂，淇淇點樣關你咩事?」我不忿地說。

「總之Ariel我一定會追翻返嚟，你醒目嘅就離佢遠啲。」Nicholas警告我。





「你而家當蒂蒂係水泡啊!?」我激動的問。

「係佢自己主動埋嚟嘅，我冇逼佢，不過我同佢係點樣都唔關你事。」

「仆你個街!!」我一拳揮向Nicholas臉上。

雖然我早就知道Nicholas只是把蒂蒂當作替代品，但他的嘴臉令人扯火，我抑壓不住我拳頭的怒火…

Nicholas被擊中後退後兩步，他穩住腳步後向我還擊，他出拳之快我反應不及，我被重拳一擊應聲倒地。

「憑你條廢柴想同我打?」Nicholas上前追打。

我被按在地上狠狠的屌打，此刻我終於明白甚麼叫"打到啊媽都唔認得"。

「喂，你地係到做咩啊?」一把聲音從遠處傳來。