因為個火山孝子，我識左對孖妹: Ch.31

聖誕過後代表已經年未，以往年未倒數大多都是一支公渡過，偶爾會跟肥軒在他家打機渡過…

但今年有別以往，認識了淇淇和蒂蒂，當然再不是兩個寡佬在家當宅男。

除夕倒數出維園看煙花是常識吧，其實只是個藉口，藉機和戀人溫存一下，和朋友聚舊一下。

但人有時就是需要一個藉口…

我約好了肥軒和淇淇一起去看煙花，對…沒有蒂蒂。為甚麼?因為她一早有約，至於約誰…心照不宣。不然我為何要來當電燈泡，肥軒起初有微言，後來他看我可憐才讓我跟來…





下班後，我們先去吃晚餐，再去看煙花…

「你有冇搞錯啊，咁都約唔到蒂蒂。」淇淇坐在我對面噴出一句。

「我幾日前就問佢架啦，咁佢話約左人冇計啦。」我無奈的說。

「你積極啲得唔得，之前又扮晒野話咩冇得搿硬，而家咪俾人搶左去。」淇淇道。

「我地日日都有keep住傾whatsapp架，冇話咩搶唔搶，始終選擇權係蒂蒂度。」





「都唔知你係咪有心追人，就咁俾佢同情敵一齊出去。」肥軒也加插把嘴說。

「得啦，知你兩個同聲同氣啦，洗唔洗我而家就走唔阻你兩個。」我翻白眼地說。

淇淇聽到後瞪著我，在桌下踩了我一下…

晚飯後，我們到尖沙咀海旁，人已經多得快塞不下，我被人海推著走，此時淇淇突然拖起我的手…我嚇一跳回頭看著她。她說怕走散才挽著我…還好肥軒看不到。

「你拉住我衫袖咪得囉。」我表示抗拒這種令人誤會的行為。





「拉住衫袖好易甩，唔洗驚喎蒂蒂又睇唔到啊?」淇淇說。

「咁俾其他人誤會都唔好啦，我地又唔係拍拖。」我下意識望向肥軒，還好他沒看過來。

「你當我係蒂蒂咪得囉，而家我蝕底俾你都未出聲啦。」

當?怎麼可能當你是蒂蒂，雖然兩個人長得一模一樣，但在我眼中，始終是不同人…

「唔好講笑啦，呢啲野冇得當架。」我尷尬的說。

淇淇聽到後便改為拉著我的衣袖，我才鬆一口氣…

剛剛淇淇拖著我時，心跳好像突然加速，應該是錯覺，又或是怕被人發現而已。

煙花其實也沒甚麼好說的…每年都差不多，這種活動的重點是和誰一起看，而我身旁的人並不是我心裡所想的那個人…





在坐車回家路上我傳了個訊息給蒂蒂…我望望對面已睡著的淇淇，又想起剛才她拖起我的手一事…想起剛才的感覺。我捏了自己一下，好讓自己不要再亂想…

回到家後，再看一看電話，蒂蒂沒讀沒回。

不禁想著蒂蒂和Nicholas在幹甚麼，應該是戀人會做的事吧…包括那檔事嗎?但他們好像還沒正式在一起。

其實在除夕前我和蒂蒂有約過一次吃晚餐，但全程我都在當她的樹洞，聽著她與Nicholas的事，Nicholas在平安夜被淇淇拒絕後又再跟蒂蒂聯絡。我有勸過蒂蒂別委屈自己，但她說甘心當個水泡，聽她這樣說，我只能淚在心裡流…

我到底都在幹甚麼，明明是自己說讓蒂蒂選擇，裝灑脫，到頭來苦了自己…