因為個火山孝子，我識左對孖妹: Ch.22

又過了兩星期，今天是久違的休假，我練了一朝結他直至一個訊息傳來…

「今晚記住唔好遲啊。」是蒂蒂的訊息。

「我約得你一定唔會遲到。」我回覆她。

我約了蒂蒂今晚在尖沙咀等，隔了兩個星期終於又再見，這兩個星期我們的聯繫並沒有間斷。
透過的訊息來往，更了解她多一點，例如她喜歡朋友在私底下稱她為Charlotte，又或者她喜歡日本料理，所以今晚我根據她的喜好選定餐廳…

我期待今晚嗎?當然，畢竟有好一段時間沒有單獨跟異性約會，要細數的話已是求學時的一兩段青澀的回憶…





今天算是約會嗎?我只是以一頓晚餐答謝朋友而已，即使內心是這樣想，但我還是加以打扮…

晚上七點，我站在尖沙咀等了五分鐘，蒂蒂傳訊息來，說她要遲點才到…我不以為然，反正約會要等女生早就是不成文規定。

過了十分鐘，有人從後拍我的肩膀…

「你個傻仔真係企定定係到等架喎。」聲音從後而來。

我轉頭看…是淇淇。





「點解係你架?」我驚訝地問。

我約的是蒂蒂，怎麼跳出一個淇淇…

「點解唔係我啊。」她又說。

「吓，我約嘅又唔係你。」

「其實…同你whatsapp嗰個係我。」淇淇回避我的眼神說。





「吓，你講真定講假啊，有咩可能係你啊?」

我擺出錯愕的表情，不敢置信，那個人應該是蒂蒂才對啊。慢著，我們之間的確只有文字來往，沒有任何錄音或通話，難道真的是淇淇…

「家姐，你咪再玩佢啦。」蒂蒂的聲音從後方傳來…

「哈哈，個傻仔真係信喎，你睇下佢個樣驚到。」淇淇指著我笑到不能自己。

我停頓了幾秒才知道發生甚麼事…

「你兩個夾埋玩鳩我!?」

「係啊，唔玩得啊?邊個叫你上次遲到。」淇淇回應。





「一單還一單啦，咁都撈埋嚟計，我遲到我有錯，但係兩個夾埋玩我會唔會離譜左啲?」我認真的說…

淇淇嚇了一下，意料不到我的反應。

「阿峰，對唔住啊，諗住同你玩下，唔好嬲啦。」

蒂蒂看我反常的狀態，連忙向我道歉。

「洗咩講對唔住，係佢自己唔玩得咋嘛。」淇淇又說。

的確，平時淇淇經常戲弄我，我也是反駁兩句就算，但剛才的反應是怎麼了…我是生氣蒂蒂也有份戲弄我嗎?還是因為我一度以為跟我聊天的是淇淇，導致整個人反常…

我意識到自己的反常，淡淡的道:

「算啦，我冇事。」





「都話佢冇咁易嬲架啦。」淇淇得意地說。

「咪住先，你未解釋點解你係度?」我瞪著淇淇問。

「係咁嘅，我出門口嗰陣，家姐問我去邊，佢話佢都想嚟。」蒂蒂解釋。

所以她是明知我和蒂蒂有約，故意跟來…

我再瞪向淇淇，意示一個"阻撚住晒"的眼神。

淇淇看到我的眼神便開口:

「睇嚟有人唔想我嚟喎。」





「啲不請自來嘅人都幾厚面皮架喎。」我不滿的說。

「唔好企係到講啦，快啲去食野啦，個肚好餓。」蒂蒂又再阻止世界大戰發生…