因為個火山孝子，我識左對孖妹: Ch.13

奇奇…難道這才是她的名字嗎? 我點開網址，當然沒有在直播，往下看有IG的連結，

好奇心驅使我打開連結…

chip_t204…旁邊的大頭是張卡通松鼠的照片……

往下滑直到盡頭才發現一張背向鏡頭的真人照，其他都是風景照…

那張照片的背影確實有點像淇淇，沒有正面始終無法確認是誰，至於她的story全是開台通知。其實要知道是否同一個人只要出去問本人就可以解決，但我才不會拉下臉皮問她…





慢著，為甚麼我想確認淇淇與奇奇是否同一個人…
應該只是好奇而已…

「你做咩偷睇我IG啊?」聲音從耳邊傳來。

是淇淇進來，聽她的語氣，收起潑婦罵街的情緒，她應該聽完肥軒的解釋…

我回頭看，發現淇淇的臉龐與我只有幾公分距離，她俯身望著電腦不以為意，我卻嚇得整個人彈後。

「點解你入左嚟?」我臉紅耳赤的問。





「你塊面咁紅嘅，係咪連你都發燒啊?」她一隻手欲碰我的額頭。

我一手把她撥開…

「妖，咪搞啦，你入嚟做咩啊?」

「你都未答我做咩偷睇我IG?」

「你IG set公開架，點算偷睇啊。」





「你匿埋係間房睇就算偷睇。」這個女人的邏輯…

「唉算，唔同你嘈，你就係嗰隻松鼠?邊有人用松鼠做Icon咁低能。」

「咩松鼠，嗰隻係花栗鼠嚟，chip咁出名你都唔識。」

「chips?薯片我就識。」

「唔想同啲冇常識嘅人嘈。」

這個是她的IG，所以她就是奇奇…

「所以你叫奇奇?」





「吓，你唔係而家先知嘛?」

「唔係啊，我以為你個奇字係一般王字邊或者三點水嗰個啊。」

「哈，傻仔，奇奇係chip嘅台灣譯名，香港譯做鋼牙一啲都唔好聽。」

「叫鋼牙幾好啊，反而叫奇奇，奇奇怪怪咁。」

「你係咪想死啊，邱子峰。」

「你點知架，一定係肥軒爆我全朵啦。」

「咁你係咪想我叫返謝霆鋒啊。」

「咁又唔好，但係唔洗響全朵。」





「叫你阿峰得未?」

「要我叫你奇奇唔係唔得，不過我硬係覺得寫做奇奇好怪，不如你改做淇淇啦。」

「都係同一個音啫，隨便你覺得我個名點寫，但係我唔會改我個名嘅寫法。」
======================================================================

因為呢個故係由阿峰嘅角度去寫，而阿峰對淇淇呢個寫法有既定印象，跟住落嚟嘅文沿用返淇淇呢個寫法。