因為個火山孝子，我識左對孖妹: Ch.10

「你再跟蹤我報警架，變態佬!」她提高語調。

她又跟旁邊的保安打招呼，然後在我面前走過，往升降機的方向去。

在我還搞沒清楚狀況下，身穿制服的保安已經率先開聲:

「先生，你點入嚟，呢度私人地方嚟。」

「我咪撳密碼入嚟囉。」





「我之前未見過你嘅，你唔好講大話喎。」

我懶得跟他解釋，直接出絕招，打電話給肥軒。

「峰哥，又點啊，搞咁耐都未嚟，我就餓死啦。」

我開了揚聲，讓盡責的保安都能聽得見。

「唔係我唔嚟，係你樓下啲人唔俾我上嚟，你想我快啲嚟就同佢解釋啦。」





「樓下邊個啊，王伯定六叔啊?」

「係你啊軒仔，好耐冇見到你啦喎。」那位保安似乎認得出肥軒的聲音。

「係六叔你啊，呢個我朋友，俾佢上嚟啦。」肥軒從電話中傳來霸氣的命令。

「原來係你朋友啊，冇問題…都係循例確認返啫。」六叔的態度瞬間180度變。

「變面快到呢，抵你做死一世看更。」這句我沒說出口。





就是這樣，每次來肥軒家都特別麻煩，中學以後都沒經常來。加上剛才有個八婆裝我彈弓，要不是出絕招，我已經人在警局。

我快步走向升降機，其中一部升降機快要關上門時，我及時按住按鈕，趕上了…

升降機門打開，眼見裡面只有一位熟悉的身影。

「屌，又係你條八婆!」我累積半天的怨氣，都放在這句上。