因為個火山孝子，我識左對孖妹: Ch.03

「你連我都唔知，咁即係你唔係參加者啦，無野啦咁，byebye。」她揮手離去。

 沒錯，肥軒個死仔沒有給我看過實況主的相片，我當然不知道他的女神長甚麼樣。連實況主是誰也搞不清楚，理所當然會被歸類為途人。

 當我想著 「肥軒唔係我唔想幫你，係我想幫都幫唔到。」


 電話傳來震動，又是肥軒的訊息。

「唔記得左同你講要用account確認身份，呢度係username同password，你入下面個網login再show俾佢睇就得架啦。」





 訊息下面是兩串英文跟數字的組合還有一串網址連結，睜眼一看，username旁寫著Stnicholas。屌，果不其然肥軒就是沙田謝霆鋒，要不是你的密碼極度複雜，我想黑客要入你帳號  不用三秒。本來我是想回頭走人，但肥軒突如其來的訊息，令我想起半支Martin的誘惑。我用九秒九的速度登入肥軒的帳號，再追上剛才那位少女。



「嗱!」我將電話螢幕展示在她面前。
 
  她被我的攔截嚇一跳，俯前看一看我的電話，又用疑惑的眼神瞥了我一眼。

「頭先問你你又唔認，同埋又唔認得我係邊個，而家又走嚟確認身份，好可疑。」





  我被她說得啞口無言，無從對應，準備嚇得飆一額汗之際，我用強大的本能反應道

「啱先未瞓醒反應唔切，同埋你今日個妝同平時唔同霎時間認唔出。」
 
 平時撒謊次數甚少，這樣的爛理由「搵鬼信」。她停滯幾秒，疑惑的神情從眉間慢慢散開。

「既然你都show到account出嚟，咁我冇理由唔信，咁你行埋去一邊等等先。」

「咁都信!?確認又做得咁兒戲，求其搵條蛋散入個網有幾難。」心裡詫異地想著，同時又感覺到這場聚會的安全性…







「喂，你去完廁所啦?我呢邊就快搞掂，仲差一個未點名。」暸亮的聲音從後方傳來。

 一個嬌小的身影慢慢朝我們的方向走過來，是剛才人群中那位黑色長裙少女。

「係啊，啱啱返嚟，差邊個啊，快手點完仲要抽籤架。」白裙少女道。

 我眼前出現了一黑一白兩位少女，身形差不多，連面形都差不多，仔細看連五官都差無幾。
 心中第一個念頭「搞乜鬼啊，日光日白撞鬼，定玩影分身啊。」

 之後用一秒回復理智，才意識到我眼前是一對孖妹。