關於我由細到大俾人除褲的那檔事: 第三章：童黨「伊達」

相信大家對於呢個標題都唔陌生，童黨喺以前嘅香港本來就非常猖獗，即使到咗今時今日，某一啲舊區都充斥住童黨嘅存在。

喺我長大嘅屋邨都有唔少童黨存在，當然未去到「燒屍案」果啲咁誇張，不過同輩之間嘅欺凌都經常有。

佢地出現嘅地方多數係後樓梯、又或者屋邨轉角位嘅長櫈，永遠都唔會出現喺成年人嘅視線範圍內。

佢地嘅活動其實就形同未成年版MK仔女，可能會食下煙、蝦下人咁，又或者挑釁路過嘅人。

喺我嘅屋邨，有一班比較出名嘅童黨自稱為「伊達」，喺我記憶中佢地大部分都係女仔，大概係6女1男左右，年齡其實都係小五、六居多。



帶頭嘅一個女仔都只係中二，但基本上每個人都叫佢做「家姐」。

至於點解一個全女嘅童黨都可以出名，就係因為佢地經常幫助處理男女關係嘅副產品：小三。

基本上每一次需要出動警方調停，都係因為佢地會「私了」佢地認為係小三嘅女仔。

有一次，啱啱升上中一嘅我行樓梯返緊屋企。