關於我由細到大俾人除褲的那檔事: 第二章：畢業旅行

話咁快過左兩年幾，到左小學最後一次嘅旅行。其實大家都唔會好期待，因為個個都知小學嘅「旅行」即係去政府campsite，唔會有咩得意野玩。

不過我地都好開心可以成班一齊玩，始終咁樣嘅機會畢左業之後都唔會再有幾可。

喺水蛇春咁長嘅學校活動完左之後，已經係夜晚嘅八點幾。呢個時候緊係準備瞓...  緊係準備唔瞓啦！弱者去學校旅行先會瞓教。

不過因為我地有「門禁」，即係過左幾點之後唔出得房門阿、唔可以去異性房之類，所以要等到9點幾啲老師返哂房之後，唔同房嘅人先慢慢分批去同一個地方 — 即係我地間房度玩。

當然啦，一開始都係成班吹下水，笑下Miss Chan好肥咁樣，但係我地班嘅活動又點會得咁少，我地仲有「傳統活動」架嘛。



我今次入面着多左條短褲，以保萬無一失。