出租女友: 《第七話 非常的接觸》

（和也慌慌張張咁環視房間，確保有無人喺度，而水原就細心聆聽門外嘅動靜）

「明明頭先都仲係度㗎！」門外傳來嫲嫲的話。

（之後水原只聽到七零八落嘅人聲，因為一眾老婆婆你一言我一句咁討論眼前嘅狀況）

「應該只係行開咗㗎姐，佢哋應該仲喺附近嘅。」水原繼續留意門外嫲嫲嘅發言。

「我哋大家一齊揾佢哋。」門外傳來一眾老婆婆一齊精神奕奕，眾志成城嘅呼喊。





（水原突然不再靠門傾聽，老婆婆嘅舉動觸動咗水原嘅神經）

「班婆婆已經開始四圍揾我地，再咁樣落去遲早都會被佢地揾到。」水原神色凝重咁對我講，而我就焦急咁回應水原：「咁點算好？不如爬窗落去，快啲將啲床單被鋪綁埋一齊。」

（和也緊張到完成唔意識自己身處五樓，反而水原依然保持冷靜）

「呢度係五樓嚟㗎，一半都未爬到就跌死啦，我哋分頭行事啦，你先出去引開班婆婆嘅注意力，然後我就乘機走人。」水原認真向我解說，不過我仲係慌失失咁反問水原：「係咪真係行得通㗎？」

（突然有腳步聲靠近和也佢地身處嘅房間）





「我記得呢間房應該係無人住，不過都望一望啦。」嫲嫲嘅聲音聽落已經非常接近。

（和也同水原雙雙露出驚恐嘅神情）

「弊！殺到嚟。」相信水原唔洗我講都知危機一觸即發，因為水原一手拉住我就話：「總之就呢埋一邊先。」

（水原同和也躲咗喺床邊，用一塊被單冚住自己）

（說時遲，那時快，木之下女士就打開房門，探頭觀察）





「唔？無人？」嫲嫲話。

（呢個時候，因為被單嘅面積唔大，所以為咗不被發現，和也趴咗係地下，雙手好似做平板支撐咁頂住，以免全身壓落係佢身下嘅水原，而水原只好雙手環抱和也後頸，雙腳夾住和也條腰，身貼身保持一動不動）

（和也面對同水原接近臉貼臉嘅距離，顯然體溫上升，心跳加速，而水原都緊張得一直雙目緊閉）

「喂呀！咁樣會唔會有啲…」我盡量保持克制咁對水原耳語，不過我話口未完，水原都輕聲反駁我；「白癡！唔好出聲唔好喐呀，會被人發現。」

雖然話就係咁話，不過我真係有難言之隱。

（此刻水原雙眼望大，佢感覺到自己下半身嘅情況唔多對路，頭不由自主咁望向和也袴下）

「等陣先呀，你究竟喺度諗緊乜？」水原一臉難以置信，但仍然不忘壓低聲量咁對我質問，我就無可奈何咁回應水原：「我都控制唔到㗎，我廿歲仔，血氣方剛，係正常生理反應，你忍一忍啦。」

(水原似乎唔係幾接受到和也嘅解釋，開始想要掙脫和也)





「快啲死開呀！」水原變得激動對我講，但係我依然沉住氣話：「咪話左忍耐一下囉，你唔好亂喐啦，就黎磨到啦」

（其實木之下女士已經留意到床邊嘅呢團蠕動中嘅異物）

「請問，有無嘢幫到手？」嫲嫲把聲明顯係對住我哋個方向講。

（和也同水原知道被發現後，互相用眼神指示對方對木之下女士回應並希望打發木之下女士離開）

「無，唔洗幫手。」水原忍唔住扮成老牛聲咁回答嫲嫲。而嫲嫲不虞有詐，順勢再問：「咁真係唔好意思，打攪晒。」

（木之下女士轉身就離開房間，繼續左顧右盼和也同水原嘅身影）

「似乎走咗啦。」我首先開口，水原亦鬆一口氣回應我一句：「嗯。」





（和也同水原亦察覺到木之下女士步出房間，不過兩位似乎未意識到佢哋依然互相緊貼著對方）

我嘅注意力由嫲嫲身上轉返落水原度，雖然喺昏暗嘅環境下，我依然能夠感受到水原纖細柔軟嘅身體，透過柔軟嘅胸部，我充分感受到水原心臟激烈嘅跳動，呢一刻我哋相互嘅體溫令到我頭昏腦脹。

（正當和也短暫活在自己嘅世界嘅時候，水原狠狠地一腳伸開和也，和也應聲倒地）

「你又係度諗埋啲咩奇怪嘢，我話俾你知啊，我只係你Part-time GF，我同你係冇可能變成嗰種關係㗎，就算世界末日都唔會呀！」水原一口氣怒氣沖沖對我講。

（水原嘅聲量的確有啲大，從而引起一位坐住輪椅經過房間門口嘅女士留意）

「千鶴？」輪椅女士帶有猜疑嘅語氣叫出水原個名。

（和也聽到有人叫出水原嗰名，頭立即彈起嚟睇睇究竟係何方神聖，相反水原對住呢把熟悉嘅聲音，表現出難以置信）

「嫲嫲…」水原似乎唔多接受眼前現實咁講。





（輪椅女士同和也水原之間交流似乎引起到走到不遠處嘅木之下女士回頭關心）

「係咪有咩特別呀？一之瀨。」嫲嫲向應該係水原嫲嫲嘅人詢問。

「唔通你就係和也？我哋一直要揾嘅和也女朋友就係千鶴？」水原嫲嫲仍然目不轉睛咁望住我哋咁講，而我嫲嫲就聽到一頭霧水話；「你講咩話一之瀨？」

「千鶴就係我個孫女。」水原嫲嫲肯定咁回答我嫲嫲，而我嫲嫲激動起上嚟咁講：「千鶴公主係一之瀨你個孫女？」

此時此刻，謊言，要被揭穿。