未開始就完結: 二十. 回憶2

自此
我由每逢lunch去操場打波 
慢慢變成每逢lunch去圖書館扮睇書，扮溫書
純粹係想見下嘉怡 

翻學有左目標、有左方向
做起事上黎就更有動力
人生變得更有意義
當時?我好嚮往坐?窗邊偷望嘉怡 
可惜開心?時光總係過得特別快




好快中三就完左 

我好記得我知道升上中四後果晚我坐?床上面諗

唔知下年有冇機會同嘉怡同班呢…

有睇個故一開頭就知我同嘉怡係入左同一班

但當時?我當然唔知道





中四果年?九月第一日
我翻到學校

入到課室，
由於我果日早左翻
班上面只係翻左幾個人 

基於同其他人唔熟?關係
我坐左?窗邊果行尾二個位 
（果陣班房有六行 每行有五個位 每兩行一條走廊）




我好記得果幾個同學係坐得較前同中間果兩行
姐係話窗邊同牆邊果幾行好多空位

我托住頭仰望窗外?藍天白雲
發呆之際聽到由門口傳來一把熟悉?聲音
我定一定神望下邊個叫我

「龍仔?! 你都係呢班咩 」

龍仔坐左?我前面之後就同我傾計

大約過左十分鐘再聽到課室外有人大叫

「志傑！ 」





「肥牛你都係呢班呀  」

「係呀 （佢地一齊入到班房）喂阿謙！龍仔！有冇咁?呀 」

「咁好彩?我地竟然同班 如果順利?話我地可以同班三年喎 喂志傑你咁高就同阿謙坐啦 」

同學逐一翻到
班上面坐位越來越少
中間兩行同前列座位已填滿

我地四個談論緊班上面一個靚??女仔都冇  
鐘聲響了
班主任入左黎
「各位同學早晨 」





由佢同我地講早晨果刻，
我就認定左佢係一個痴漢 
肥牛佢地都十分贊同 

處處下理班務，
有個人影入左班房 

「咦？！呢位同學第一日就遲到係唔得架喎 」
呢一刻我更肯定佢係一個痴漢 

竟然有人連開學都遲到
我真係想知邊個
一望…

嘉…嘉怡 





同中三一樣佢依然平陰加紮馬尾
冇見兩個月條裙明顯短左
係，我觀察力的確好敏銳

除此之外，
皮膚冇見一排仍然好白
右手住銀包
左手拎住張遲到紙

起初我以為佢唔知醒而遲到，
點知翻遲到其實係佢嘅風格 

佢放低張紙之後就去左牆邊角落頭尾二個位
即係同我平排





我同志傑對望左陣
「你就爽啦 嘉怡入我地呢班 」

「屌究竟咩事呀，同你地三個同班已經係奇蹟，連嘉怡都同班簡直係神蹟呀 」

有啲野，個天整定嘅
命運注定我同佢有緣
點都有機會拉埋我地

我發現原來我仲未聽過佢把聲 

過左幾星期，
佢同隔離位個女仔做左好姊妹
我好難埋到佢身

我一於試下用fb同佢傾計
「hi 」

「hi 」

由於我諗唔到講咩好…
「聽日記得早啲起身 」

「係呀，我今朝好柒呀，全班望住我 （佢果日又遲到…）」

「都唔係啊 係呢，你有冇fd喺我地班 」

「有就有嘅…得一個囉… 」

「點解咁慘嘅 」

「因為我覺得其他啲女仔好八婆…唔想同佢地玩 」

「唔緊要，由今日開始就等我做你喺呢班嘅第二個朋友啦 」

第二日翻到學校
我見到嘉怡同佢個好姊妹喺走廊傾得好開心
我唔知點解當時冇hi到佢
只係同佢對望左半秒 

果日翻到屋企
一開fb就見到嘉怡inbox我
「做咩今日唔hi我呀 」

「我想架…不過我怕羞 」

「好心你啦 say個hi都淆 」

「咁係丫嘛… 」

「唔理啊 總之聽日唔可以淆底呀 」

「哦… 」

第二日我又見到佢，鼓起勇氣同佢打招呼 
我同嘉怡平時好去面對面交流
因為坐得太遠而且朋友圈子唔同

直到果年聖誕我阿爸買左部iPhone比我
我用fb同嘉怡報喜
佢即刻比左佢電話我
叫我以後用whatsapp搵佢 

可惜我果陣個plan未有數據
冇得上堂搵佢
所以同用fb冇乜分別 
不過至少我得到佢電話同感覺上關係好左 

我當時咁諗，
如果我平時都可以同嘉怡whatsapp
我同佢嘅關係一定進展得更快 

我同嘉怡嘅關係喺中四就停滯左喺呢種只限於whatsapp交流上
不過，對我黎講
呢種關係、呢種交流
已經好足夠

高中生涯好快就過左三分之一
暑假每日我都比班波友的左去踢街
喺維園燃燒我嘅青春
搞到日日都剩翻夜晚幾粒鐘同嘉怡傾計 

到左中五，我仍然同肥牛佢地坐喺窗邊
嘉怡，
條裙同上年差唔多，
只係又短左少少 
佢呢年坐左喺龍仔前面
即係我前面兩個位

此外，我個電話plan亦增添左數據服務
令到我可以無時無刻同嘉怡傾計

雖然我同佢只隔住一個位
但係我地從來好少言語上交流
我好鍾意喺佢後面望住佢收到我message之後dup低頭回覆我

果種感覺…
好奇妙 

中五…
同中六一樣都發生左啲事

而呢件事
就係嘉怡同隔離班個同學拍拖

果個同學…
我都識
仲係我中三時嘅好友

果一排我好少同嘉怡傾計
但睇得出佢好開心

佢地一齊左三個月後
我打算放棄了

去到五月，即係佢地一齊後第四個月
嘉怡有日再次whatsapp我…