未開始就完結: 十五. 陽光

第二日夜晚，我見溫書溫到好攰好悶
於是打算打比雅晴吹下水 
反正係星期五，佢第二朝又唔洗翻翻學 

覺得有少少怪
因為今次係我第一次打比雅晴
之前都係佢主動打比我

「喂 」





「hi做緊咩呀 」

「畫緊畫 」

「視藝啲功課 」

「係呀 」

「阻唔阻你啊 」





「唔阻，我平時畫畫都會同個friend傾電話 做咩呀 」

「冇，見溫書溫到悶咪打比你囉 」

「係咪掛住我呢 」

「係呀掛住你把聲呀 」

「嘻嘻，其實我啱啱都想打比你 」





「係喎你記唔記得食飯果日咪見到佢地嘅 」

「係呀做咩 」

「原來肥牛話佢覺得你鍾意佢 」

「唔係掛，點解佢咁講嘅 」

「聽龍仔講佢同你傾計時你會用心心眼 」

「心諗我同啲男同學都會加心心眼啦 同埋我都唔係成日用嘅 」

「咁你多數同佢傾咩呀 」

「其實冇咩架，次次都係佢hi先嘅，講真我有時真係唔想應佢 」





「點解嘅 」

「因為佢成日講埋啲笑話好無聊，由成日講自己野，都唔知比咩反應好 」

「哦…原來係咁… 」

「佢同你真係好唔同，起碼你會聽下我講野，有時會搞下笑，要認真時又好認真 」

「得喇得喇唔洗借機讚我博加分喇 」

傾下傾下，雅晴話想星期六約出黎
咁我見我都成個月冇行過街
咪答應佢囉 





（上次單野唔算行街呀，我本身係想食飯） 





到左星期六…

我準時6點半喺地鐵站等雅晴
我好唔鐘意人遲到 
（除左翻學） 
當然15分鐘?都ok嘅

等左唔夠5分鐘就見到雅晴出現
心諗: 嘩準時嘅女仔真係好到不得了 





我地會合完就去左金百利棟野食晚餐
冇記錯的話，
好似係食意大利野 
廢事幫人賣廣告 

之前同班friend都黎過呢度食
覺得食品唔錯
個感覺又幾舒服
啲野又唔算貴
連窮撚都表示物有所值
所以今次選擇左呢間同雅晴食 


講真同女仔喺呢間野食的確幾有撐台腳feel




姐係好似睇西片啲情侶去西餐廳食野咁
因為啲燈光好柔和
果刻，我終於對雅晴萌生愛意     

食完野，我地坐左喺餐廳入面傾左陣計先結賬


之後去左時代行街，當然有入去時裝店睇衫啦 
我發現雅晴唔會買名牌貴衫，
衣著普普通通但襯得好好睇 

之後去左page one睇下有咩得意野
「哇個音樂盒好靚呀 透明色見到入面嘅結構，啲聲又幾掂 」

「睇下你個樣，笑到咁甜，係咪想要呀 」

「唔啦，成$70幾蚊咁貴… 」

雅晴扁一扁咀
擺明想買啦 

「哦…咁算啦，喂雅晴你睇下，呢部即影即有相機幾靚喎 」

「嗯！我都想買一部呀，我好鍾意影出黎啲相嘅色調呀 」

「點解唔買嘅 」

「因為未儲夠錢 」

「你食少餐拉麵都儲到啦 」

「你理得我 」

之後我地行左出店外，我見到前面有廁所

「喂前面有廁所啊你去唔去啊，我喺呢度等你 」

「都好，你要企定定等我架，唔準走開 」

「得喇得喇快啲去啦 」

估唔到咁易就駛走左佢  

我隨即9秒9衝翻入page one
搵翻個音樂盒
簡個新淨少少嘅就去比錢

「先生有冇xx銀行嘅卡？有嘅話有八折 」

「冇呀 」

呢個時候，
我喺櫃台見到雅晴去完廁所出翻黎
我心諗有冇咁快呀… 
當我心裏面屌緊個職員龜速收銀嘅同時
電話又震了 

我望望來電顯示
{ 雅晴 }

仆街！我聽左咪佢知道我喺邊!? 
我係想比個驚喜佢姐…
結果，
我冇聽到個電話… 
前後雅晴打左3次比我
個on9收銀員先收完錢

「先生洗唔洗袋  」

「頂唔洗呀 」

我將個音樂盒袋入褲袋就走了

一出到去
遠處已經見到雅晴一個人好焦急咁等緊
但佢見我唔到
到佢見到嘅時候就即刻鼓起泡腮

「sorry呀要你等咁耐 」

「衰人你去左邊呀 又話會企企唔走，你知唔知我一出黎見唔到你 打電話又搵你唔到幾驚啊 我以為你唔要我呀 」

雅晴眼濕濕

「我估唔到你咁快嘛 我依家咪喺度囉 有個咁靚嘅女仔做我女朋友我點捨得留低佢一個呀 唔好喊啦傻女 」

我講完就將佢抱入懷裏

「邊個話我係你女朋友呀 」
雅晴回復翻原有調皮嘅語氣

「哦咁算囉，仲諗住比個驚喜你 慳翻 」

「唔濟呀！咩驚喜，快啲話比我知 」

「唔比住 」

之後我地行行下入左間琴行

「雅晴我記得你彈琴好叻架 」

「邊係呢 」

「八級都唔叫勁？ 」

「em…係掛 」

「我想聽下你彈琴 」

我同佢坐底左
雅晴打開琴鍵個?深呼吸左下
雙手放上琴鍵
等左一秒就開始彈

我除左望住雅晴雙手在琴鍵上起舞
聽住琴發出輕快嘅旋律
仲不時望下雅晴認真投入彈琴嘅模樣
真係好吸引… 

「喂阿唔好望住我啦，我緊張架 」
雅晴停止左
怕怕羞羞咁同我講

「好好聽 」
「好靚 」

「唔好讚人啦，呢首歌係前年考七級嘅歌黎架 」

「我真心架 喂雅晴 」

「咩呀 」

「合埋眼先啦 」

「做咩事神神秘秘咁嘅 」

「唔好理啦 快啲合埋 」

我確保雅晴合埋眼後，
離開左坐位
行到佢身後

從褲袋拎翻個音樂盒出黎
上完鏈就將個盒放喺佢耳邊

雅晴聽到音樂後露出了微笑
依然閉著眼
「啲音樂…咁熟嘅 」

「你睇下咪知囉 」

佢張開眼，目光聚焦在我手上嘅音樂盒

雙眼發亮
展露出一副純真、幸福嘅笑容

佢無講野，
我地兩個對望住
佢雙眼又變得水汪汪
雅晴真係一個好感性嘅女仔

我自問唔係個好浪漫嘅人
又唔係啲好識表達自己嘅愛嘅人
甚至會串下佢
令鍾意嘅人感到失落

但坐喺我面前嘅雅晴
一個被人hurt得好深嘅女仔
比人一種楚楚可憐嘅感覺

內心卻天真調皮
經常向我撒嬌（不是姣）

究竟是為了掩飾自己的傷口
還是真的把那段回憶撤底遺忘

我不知道

不過我決定把她從黑暗、憂傷中營救出來
治癒她的傷口
給她更多的快樂回憶 

一個品學兼優，充滿氣質，簡單樸素，溫柔體貼，善解人意同調皮可愛嘅女仔依家真係好難搵
呢啲機會真係可遇不可求

唔知呢啲算唔算塞翁失馬焉知非福

雖然我同雅晴相識過程好兒戲
但我好肯定上天係有意讓我倆相遇的

音樂盒嘅音樂播完了
我坐翻去雅晴身邊

今次
經過教訓，我學會主動
即使我依舊內心極度淆底
我主動錫落雅晴嘅嘴唇

佢亦冇抗拒，閉上雙眼
二人共同享受這甜蜜時刻

咀左十幾二十秒
忽然我清醒過來
我諗翻起我地喺琴行
大庭廣眾做呢啲唔係咁好
所以咀多兩啖就收手了

我怕再錫落去我嘅獸性會被激發出黎
然後我發現，
雅晴除左佢對大眼可以吸走我靈魂外
原來佢嘅嘴唇都有相同功能

我拖住雅晴步出琴行
出翻大街，
我見時間仲早（9點幾）

於是帶住雅晴去左食frozen yoghurt
估唔到佢幾原來好鍾意食藍梅 
係咁叫個職員裝多啲藍梅比佢 

我就隨便簡左蜜糖星星同士多啤梨 

雅晴食得津津有味嘅樣 
我永遠都記得

雖然佢只係細我一年
但好似一個小妹妹
見到佢笑
你自然都會笑

原來除左佢對大眼同雙唇可以吸走我靈魂外
仲有佢嘅笑容都可以

「阿謙食唔食呀 」
佢保持迷人嘅笑容問我

「嗯 」

佢用啱啱從口裏提出嘅羹畢左一啖比我

「人地餵你食野要點做啊 」
「啊啊啊 」

我跟住佢一齊「啊啊啊 」

「乖喇 」

救命呀 
我就黎比雅晴嘅笑容殺死啦  

為左唔好再比佢繼續笑 
我重複上述步驟餵翻佢 
點知食完佢仲開心    

不斷嘅你餵我我餵你
咁就餵左半個鐘
旁邊嘅座位不斷有人坐低、離開
有一個人
有一對情侶
有一大班朋友
有一家大細

我地冇刻意細數有幾多人坐低過
因為我地都沉醉喺屬於我倆嘅二人世界入面

食完甜品
時間都唔早
我同雅晴再次去到上次分別嘅巴士站
再次係我陪佢等車
直至佢上左車我再等巴士回家

呢個巴士站
成為我地每次見面最後去嘅地方