未開始就完結: 十二. 雨後放晴

我同雅晴雖然日日whatsapp傾計
見過相中嘅對方

但只係傾過兩次電話
真人見都未見過面
點可以咁樣就開始

到左某個星期四…

「你覺得hazelnut frappucino, vanilla latte同chocolate mocha邊隻好啲 」[18:38]





「em…mocha啦 」[18:40]

「好！信你一次 」[18:41]

「做咩咁問 」[18:42]

「因為我平時補習都會買杯飲 」[18:43]

「你就正啦有咖啡飲…我今晚要自己一丁友食晚餐 」[18:45]





「咁dry？！ 」[18:45]

「係呀…依家諗緊m記定大家樂… 」[18:46]

「不如一齊食啦 」[18:49]

「你唔洗翻屋食咩 」[18:50]

「我平時星期四都自己食架 」[18:51]





「咁好啦，你幾點放 」[18:51]

「八點半 」[18:52]

「好啦我一陣喺你樓下間starbucks等你啦 」[18:53]

「好啦，你要準時喎 」[18:54]

我屈指一算，
車程大概半個鐘…
姐係我得翻一粒鐘準備？！

我迅速洗個頭再吹乾，
然後襯套正正常常嘅衫





諗諗下
仆街冇問佢食乜添 

算，求其拎一舊出街算 
斷估佢唔會同我食放提或者高級餐廳掛… 
我整頓好一切就著鞋出門口 

「我就放啦，你到未 」[20:24]

「到左starbucks啦 」[20:27]

「怕羞仔第一次見面緊唔緊張呀 」[20:29]

「好緊張呀 」[20:31]





「我落黎啦！ 」[20:32]

我行左去佢落黎搭果個升降機大堂度等
一開門，我發現我仆街了… 





我唔記得左志傑佢地都有喺呢度補習
一開門見到佢地出黎
心諗仆街，佢地問起我喺度做乜我點答呢 

點知肥牛真係行左埋黎





「喂阿謙你做咩喺度嘅，等我地呀 」

「我…唔係呀 」

「咁你等邊個呀… 」


「咦阿謙做咩你會喺度嘅 」
志傑同龍仔都行到埋黎，異口同聲問我

正當我諗緊點算嘅同時另一部升降機打開門

「err 我…」 





「喂阿謙!!!  」

龍仔、肥牛、志傑:   

我心知不妙，踧踖不安，不知如何是好  

「err…hi雅晴… 」

「咦 點解…佢地喺度嘅 」

「er…冇…咁啱撞到姐 」

肥牛:「你地      」

「er…我同雅晴食個飯先，有咩遲啲講 」

「阿謙我地行啦 」
雅晴又用佢把J死人嘅聲同我講野 
仲拉住我隻手急急腳咁行
我用個好唔好意思嘅眼神望住佢地

冇耐我收到龍仔個message

「估唔到你地發展得咁快喎 」

我當時喺雅晴身邊，冇辦法回覆 
不過我想講
雖然雅晴就個無論外在內在都好靚嘅女仔
但我對佢冇乜特別好感
只係當佢朋友（暫時）

可能你地會屌我有得食都唔食好on9
但係冇feel就係冇feel
加上腦入面仲有嘉怡嘅存在
所以暫時未有心情溝女住 




我同雅晴走到街上面

「喂其實我地食咩架 」

「去到你咪知囉，總之有好野益你啦 」

「懶神祕，肯定貴野啦 」

「 」

我一直跟住佢，沿途我地有講有笑
同平時whatsapp傾計一樣 
雖然我一開始都比較靜
因為始終第一次見面 
不過佢j死人嘅聲線同笑得好甜嘅樣
迅速融化左我冰冷嘅心  
我慢慢多野講左同終於識講下笑

傾傾下，我地到左我地食野嘅地方…     

「歡迎光臨!(日文)」
一入到去個職員即刻大叫
我當堂呆左 

唔單止係比個職員無啦啦大叫嚇親
仲有我見到間舖嘅裝潢幾有氣派 

個職員行過黎
「請問先生幾位 」

「頂一眼睇曬啦，一男一女，兩個囉 」

「喂阿謙你傻左咩 」
「兩位呀唔該 」

個職員比我口快快屌左句之後塊面仲黑過黑松露 我有啲內疚 

「er…唔好意思呀 」

「兩位跟我過黎 」

我地跟住個職員去左牆角兩人卡位
然後個職員就黑口黑面走左

「挑 我有錯咩，擺明得兩個人仲問問問 自己冇眼睇架咩 」

「算啦 佢都係循例問下姐 」
雖然我認我果秒有啲衝動
但雅晴真係個好斯文、好善良嘅女仔
比著係我老母，佢應該屌左我十世 

「快啲簡食咩丫 」
雅晴遞左本menu比我
我一打開就即刻嘩左聲再lag左機 

「做咩咁呆呆滯滯嘅 」

「哦…冇呀，雅晴你都幾有錢喎… 」

「唔係呀，我一星期最多食一次o乍 」

「我諗我一個月最多只可以食一次 」

我望望餐單，
豬骨湯xx拉麵?$50 
xxxxxxxx拉麵?$75 
vvvvvvv拉麵?$76 
eeeeeeee拉麵?$80 
sssss辛辣拉麵?$87 
…
…
…
…
心諗我想食餐飯姐 
唔知大家仲記唔記得，
我未話同佢食飯之前仲諗緊大家樂定m記
依家價錢貴左2,3倍… 
不過難得雅晴咁有心帶我黎 
相信係佢認為呢間好食先同我食
睇住雅晴份上我死就死啦  

「你…平時食開咩架 」

「eeeeeeee拉麵 你諗好未呀 」

「em…豬骨湯xx拉麵啦 」

「唔該! 」

個黑面職員又行埋黎
「請問食咩呢 」

「一個豬骨湯拉麵同一個eeeeeeee拉麵呀 」

「一個豬骨湯拉麵同一個eeeeeeee拉麵 」

「係呀唔該 」

過左五分鐘左右野食送上了 
「嘩你果碗好似好正…真係一分錢一分貨…  」

「咁大碗我食唔曬架，我比啲你丫 」

「咁我唔客氣啦 」

講真雅晴呢種純品小妹妹依家真係買少見少 
但我依家對佢又冇乜feel
而佢又擺明車馬想溝我
我決定佢一個機會 
咪試下我地有冇可能囉

食完飯之後我地去左行商場
銅鑼灣有咩商場行呀 
唔係time's就hysan
一係就地帶果啲

我地就簡左行hysan 
行左幾間時裝店，
佢提意上誠品睇下

行行下發現雅晴幾鍾意睇外國嘅愛情小說 
我拎左一兩本黎睇，又真係ok嘅

有去過嘅都知誠品上面有層類似log on嘅部份
姐係買下家居日用品、擺設等等 

我同雅晴邊行一邊玩
玩到差啲比人屌 

之後我地行左去買旅行書果度 

之後我地行左去買旅行書果度
「係呢阿謙 」

「咩呀 」

「你鍾意咩國家架 」

「我…其實好多國家都好鍾意，特別係歐洲…我諗…我最鍾意係瑞典 」

「瑞典…都幾得意 」

「其實只要係凍嘅地方我都好鍾意 」

「我都好鍾意凍嘅地方呀 最好一年四季都冬天 」

「我都係咁話 咁你又鍾意咩國家呀 」

「你估下 」
佢咁啱拎起左本講日本北海道嘅旅遊指南 

「我估…女仔多數鍾意日本嘅 」

「係呀！！你咁叻嘅咁都估到 果然好了解我 」

「當然啦 」

「不如等你考埋DSE我地一齊去日本呀 」

「我都冇話我鍾意日本 」

「當係陪我去啦 」
竟然雅晴會扭我計

「咁我又冇話我唔鐘意日本 點解你唔同屋企人去要同我去嘅 」

「因為我每都同佢地去兩次 加上同佢地去會玩得好唔放… 」

心諗每年去兩次日本…真係幾有米… 

「但你父母會比你自己去咩 我咁窮…機票錢都唔夠 」

「哈哈我去左咁多次啲路都幾熟 至少識搭新幹線，我爸媽之前都比我同一個女仔friend去台灣 冇問題嘅 」

「果邊乜都貴，我有錢搭飛機都唔夠錢住酒店…唔通要你同我訓街咩 」

（聽講自核事故後日本啲機票、酒店果啲好似冇咁貴[好似係]，但對我呢個窮撚學生哥黎講實在難以負擔，唔好唔記得遲啲升學仲要一筆錢）

「我地夾錢住單人房囉 」

「你想我同你同床共枕 」

「邊個話同你訓一張床 係我訓床你訓地下呀 」

「頂…搞到我成隻狗咁… 」

「其實錢銀上嘅問我可以幫你解決 」

「what?!咪姐係請我去!? 唔係咁好喎」

行行下、傾傾下
咁就9點幾

「不如走囉，你聽日仲要翻學 」

「嗯 」

「我送你搭車呀 」
由於我同雅晴住得唔近
所以我冇辦法送埋佢翻屋企，只能送佢搭巴士
之後我自己翻屋企了自果次同雅晴食完飯後
我同雅晴嘅對話開始由whatsapp轉移到直接打電話傾…
次次都傾到十二點幾一點
不過冇約出黎，
因為佢屋企人唔鍾意佢成日出街
而且我又要溫書