校園的天空。晴: 變型。蟲入腦袋

 
曾在第8回和第9回出現過的Lucy，提及過她與跟自己實習的男學生有染和老公和教學助理有染的事，嚟到第67回，佢仲有什麼新花臣?
 
「我老公原來唔止攪TA，仲攪埋個SGM!!」(TA即係教學助理、SGM即係高級學位教師)
 
我其實已經愈來愈討厭Lucy呢類角落生物，所以毫不客氣地回應佢 「張媚欣講師，你引誘男學生仆街啲、定你老公同同事上床仆街啲?」
 
雖然講得直接，佢Lucy仍然無限loop她的論調，所以到最後我只有已讀不回。之前提及她因為自已的其他投訴，系主任和院長張哂file調查佢，如果讀者記得的話，她竟然在院長室大哭大叫後，要院長秘書打電話給我去她手袋拎藥給她鎮定一下，傳開之後，令到不少同事覺得我有份與她一起攪事，慶幸的是沒有同事感到我和她有地下情，否則我真係唔駛見人了。
 
當然，佢給解約後，藥物不停的增加，令自己浮屍的面孔更恐怖，變成了四十歲但配年老邵音音的樣子，雖然我仍然好言相向，叫她不要在服食精神科藥物下求子，希望用一個孩子來縛住自己的丈夫，我相信她也明白精神科藥物對懷孕的危險，可是她仍然不負責任地繼續自己的狂想，當然孩子是她的實在與我無干，不過後來發現呢個Lucy竟然四圍說我壞話，而大部份都是一些不是事實的言論，這個人不知所謂的地步實地反四次白眼都不能表達自己的情感。最後，我只有把這無恥之徒完全地封鎖，免得在IG見到她扮家庭幸福的相片出現。


 
講番佢發現自己老公除了同TA外，又如何發現有SGM的份兒，原來TA除了漏了職員證給發現外，佢老公竟然把用完的避孕套放於垃圾桶中，我常常懷疑佢老公係唔係專登俾老婆知道一單又一單的出軌，如果不是又會如何有此低端犯錯?
 
到了第二天，Lucy來敲了我房門，佢同我講 「我見你尋晚冇覆我，我約左Manson (即係同佢有路的男學生) 同佢條女 (係，實習完後Manson搵咗一個DanSo的另系女生) 出嚟飲嘢…」
「咁點? 你唔好同我講，你同佢條女爭仔呀?」我反眼問佢。
 
「唔係，係我哋一齊去咗宿舍3P!」
 
「喂! 張媚欣講師，你係ON膠定個腦入左亞米巴變形虫? 我唔想聽你再講呢啲嘢! 你係唔係攪到我要去Board到告到你釘牌為止? 你西痕去老蘭蒙住頭都有人肯入閘，做乜Q你要攪學生!」
 


「我都唔想嘅…我好似俾佢地影咗相!」
 
佢個腦我肯定有Amoeba!