校園的天空。晴: 幹事。在九龍塘

阿欣用她水汪汪的眼睛望著我，這一刻我不知給什麼反應。
 
我以為自己的面容有異，所以問「我塊面污穢?」但阿欣又沒有什麼回應。
 
在這個時候，我湊在她的面頰，想親她的咀，可是她立即避開了。難道是我理解錯了她的信號?
 
「唔好意思，我以為…」
阿欣用手指在我面上扮吻了一下，很快的講一聲再見就上了樓，留下我呆在樓下良久才帶著疑問離去。
 
「咁我幫幹事會整番個Whatsapp group，你幫手加番啲人入去啦」嘉麗喚醒了正在回憶的我。


「哦，好呀，我返去開番個excel入番啦!」
「阿欣個電話唔駛開excel啦」嘉麗始終都係咬著阿欣這一件事來說。
「唔知有冇，搵唔到咪開excel搵」我只有繼續扮漫不經心。
 
在Orchid傾完都差不多五點，便打算順勢放工，便問嘉麗今晚想去那裡。
 
「你真係唔記得阿欣」她始終都仍然覺得我和阿欣是有點事，可能我的面容出賣了我吧。
「冇，我心裡面只有你…」當然肺裡、腦裡可能都有其他女生的。
「唔信!」
「我除哂衫俾你睇下有冇收埋第二個女仔啦?」


「變態!」
 
有時在打情罵俏中，也要很小心周圍有沒有同事或同學，幸好Orchid附近的小路人不多，我更可以大著膽子搓了嘉麗的胸口一下。
 
「俾人睇到呀!」
「咁我地不如搵個無人睇到嘅地方?」
 
今晚我實在不想屯門那麼遠，所以建議越過山谷去九龍塘的春天度過兩小時。
 
「吓，去九龍塘? 我未去過! 撞到學生咪死?」


「咁你咪同佢講，我哋嚟傾幹事會，幹幹事囉!」
「痴線啦你!」