校園的天空。晴: 睇得。興著興著

大學校園, 我又豈容她們搜我身，我只有說「你一係拉我番差館，我係大學校園出現有合理辯解，你唔打電話就我打電話話有差人話又拉又唔拉!」

Carly 「妖! 你都唔L玩得嘅，抵你做毒男!」
我心想 「如果我係毒男，就唔駛咁煩，係我唔想招惹麻煩乍咋。」
「算啦算啦! 我哋自己走啦!」Alice打圓場說。

之後我為了避免她們見到我上自己的車，所以只有向港鐵站方向走去，當然我也沒有理會她們會否繼續前事。在港鐵轉車站轉車時，我竟然在車廂中撞見Alice，她輕輕的和我打個招呼。

「你千祈唔好怪Carly，佢個人係咁」Alice企係我身邊說，像安雅的她擁有一頭長髮，在車廂中的冷風中，頭髮正吹在我的面上，我似乎聞到她用那一種洗頭水。



我記得仍在候任的梁振英先生在被問及六四悼念晚會時，他說 “I am not saying I was not touched”，所以我也學了他說類似的說話「我冇話過一定唔會唔怪佢嘅!」 一時間Alice都不知道我在說什麼。

在言談間，她終於知道我不是夜校學生，我也知道她的本科和當訪問學人的學系，最重要的是我知道她在台灣已經結婚，但原來在台灣也有對同性和異性的婚外關係，她也是在香港夜蒲時認識了Carly。

正想道別下車時，原來她和我任在同一屋苑，但只是不同的期數，她更笑說日後可否接她上班，對我來說一定無問題，但我只驚給嘉麗見到難以解釋，所以只有含糊回應一番。

在正想分開時，她問我「點解你唔問我拎電話?」
我想解釋 「我知你邊個Department，搵你容乜易」
「拎你電話嚟」Alice 一手拎了我的電話 「咦! 有key lock，成日去滾驚俾人check電話?」
「你識唔識網絡安全」當然我今天再話的話會和她說國家安全好重要。


最後，我用了她電話輸入了我的號碼，她就用台腔說 「記得打給我唷!」

我示意了一個OK的手勢，她突然問我 「我頭先知道你行過嚟，你係咪睇得好High?」

係，我心內想。