校園的天空。晴: 蠢材。常做錯事

Lucy聽到我講話原本傳給Manson的電郵傳錯了給我，立即方寸大亂，想同我解釋，或者可以說是掩飾。
 
「其實，我想報復我老公。」Lucy話發現佢任教中學的丈夫與學校的教學助理有染，事緣Lucy在帶學生交流團幾星期，回到家後，竟然發現家中多了一副牙刷，她無腦的丈夫竟然說那牙刷是鐘點工人，在工作後「順便」刷牙所以漏下來，而Lucy亦在家中的梳化邊發現了一張屬於她丈夫學校的職員證，Lucy之後給我看過她拍攝的證件，那女生的確很甜美，相對來說，勉強可以稱得上不醜樣的Lucy確實是比了不去。
 
「老老實實，你真係要攪掂呢單嘢，俾人發現咗，你會好大鑊!」Lucy對我的規勸不至可否，坦白說，我也不想多加理會，甚至扮作不知情。之後我從來也沒有與她重提此事。
 
叫得Lucy的人，好像總是好蠢的，例如經濟狀況麻麻的她，竟然買了廿多萬的美甲療程。

「你平時整一次甲幾錢?」
「幾百蚊囉」


「咁你有冇計過廿萬要幾耐用哂，要幾百次呀，當你一個星期整一次，要整幾多年呀?」
「我都知我蠢，但係個女仔好慘咁叫我買，推佢又唔好意思，咪買囉!」
 
以上的例子，只係冰山一角，我估她不懂得拒絕的，應該包括不懂得拒絕結婚。
 
在Lucy結婚前一晚，她約了我，作為她「姊妹團」的成員，大家無睇錯，佢真係搵我做「姊妹」，負責當大妗姐、司機兼阿四。我以為她約我是Bridal shower，但原來佢只係約了我一人去九龍城Neway唱卡啦OK。
 
兩個人在卡啦OK內，當然唱了很多合唱的歌曲，在唱完《相思風雨中》後，她突然眼濕濕，我問她發生了什麼事。

「我唔想結婚!」


「你唔銀係呀化?」
 
突然之間，她一下咀了我的已經爆拆的雙唇，我來不及反應之際，她更把手想拉開我的皮帶，說「俾我….」
 
唔通今晚唔係Bridal shower，而是Bachelorette party，鏡頭係邊?

皮帶已經俾佢除開左…
喂呀!!