校園的天空。晴: 領嘢。金翅仆街鳥

Eva問我點解聽恐怖熱線聽到下面動L咗，其實呢個係一個偽命題，因為我根本不是因為聽恐怖熱線而令我動L起來，正如中華人民共和國都係中國共產黨領導的多黨合作和政治協商制度，中聯辦前主任王志民都話過「一黨專政」是偽命題一樣。
 
當然，我不能和Eva說這是一個偽命題的哲學討論，只有傻傻的笑說對她所講的不明所以。
 
「明明我見到你硬咗，你究竟係房做乜嘢?」
「吓，我咩都唔知，剛剛瞓著咗!」
「咁無嘢啦!」
 
幸好對話到此，就剛好到達Eva的家樓下，正想打發她走的時候，她突然同我講「啲唐樓治安唔好幾好，你可唔可以陪我上去?」
 


老實講，我真係好眼瞓，但一個女仔上樓又自稱好危險，拒絕她又好似太不近人情，所以勉為其難泊好車就送她上樓，而自己心想「萬一有咩事都唔好亂嚟，因為嘉麗嘅出現已經令我打亂陣腳。」
 
唐樓的樓梯不太寬闊，只能容納一前一後的在行，其實要行上六層都幾辛苦，行在後方的我抬頭向前望時，只見到一雙玉腿在短裙下飄盪著，在如斯景色行樓梯，總算可以分散一下注意力，令自己喘少一點，不過心中都不斷要提醒自己不要多作幻想。
 
終於上到六樓，Eva打開鐵閘後，在我準備說再見之際，Eva突然在0.1秒之間擁著我錫了我一啖，便立即閂門入屋，只餘下呆在門外的我，輕摸著被吻的面頰，和感受著剛剛雙峰壓下來的餘溫，睡意全消的我，扶著樓梯十多分鐘後方能下樓，因為實在太震驚了。
 
在步行回車時，望一望電話，發現嘉麗原來短訊了我幾次。
 
「頭先去你房，見您😴,  我出左去買小小野食俾您, 見到信息就覆我啦」
「返到, 你走左?」


「點解Eva上咗你車? 👉👈」
「無嘢啦😪」
 
今次仆街啦!