［愛情純愛］我地之間嘅友誼純度絕對等於零！！！: 31. 照單全收

「今日好凍⋯」沈心怡喺心裏講道，同時拉着冷衫嘅衫袖，手一縮，縮到衫袖裏，然後將手放到嘴前，朝衫袖裏呵一口氣

衫袖裏頓時傳嚟一陣暖意，但好快就消逝了

沈心怡甩一下衫袖，又繼續專心做題

⋯

「叮噹叮噹⋯叮噹叮噹～」





放學嘅鐘聲響起，四個人等埋一齊先走，潘景諭今日最快執好嘢，明明佢平時都同邱旻顥爭最後

「你咁快嘅今日？」沈心怡見潘景諭早就執完嘢呆坐，心裏有啲意外

「啲嘢收晒入locker，又冇嘢要帶番去。」潘景諭起身行到沈心怡嘅旁邊

沈心怡正企喺度疊緊啲書，全部都係要擺番入locker唔帶番屋企嘅書嚟

「哦～」沈心怡笑一笑後行出座位，朝locker嘅方向行去





等到邱旻顥、李逸彤同沈心怡都執好嘢之後，佢地一齊踏出課室離開學校

「好攰呀真係⋯」李逸彤一踏出學校門口就疲倦地道

「啱啱個小測，我差啲做唔切最後一題⋯」沈心怡講道，「不過好彩寫得切⋯」

「我陣間番到去真係要恰一恰⋯」李逸彤講道，只係一個小測都令佢筋疲力盡

「鈴鈴！」





前方忽然傳嚟車鈴嘅聲音，一個男人踩住單車迎面而嚟，佢嘅車速好快，但喺行人路上嘅佢完全冇打算減速，只係響咗兩下車鈴就算

兩個女仔同時望向前方，見到單車衝緊過嚟，反應一下子緩沖唔切，慢半拍似的

行喺佢地身後嘅邱旻顥同潘景諭喺聽到車鈴聲時，都往旁邊讓開咗啲

邱旻顥同潘景諭見到兩個女仔好似比人點咗穴咁郁都唔郁，頓時緊張起嚟

「喂！」潘景諭朝沈心怡叫咗一聲同時，伸手捉住沈心怡嘅手肘，一下子拉到自己旁邊

邱旻顥喺李逸彤仲未反應到嘅時候，伸手就將李逸彤攔腰推到自己嘅身旁

邱旻顥回頭望，只見單車一直響車鈴，但完全冇避開行人或者慢駛嘅打算，差啲撞到其他人

「嚇死我啦⋯」沈心怡嘅手放到胸口，細細聲地講道，似乎啱啱比潘景諭一拉，將佢嘅魂魄都拉番嚟





沈心怡比潘景諭用力一拉向後行嘅同時，就見到單車喺眼前快速閃過，好彩潘景諭拉走咗佢

「你兩個見到成架單車剷過嚟仲發呆？撞死你地⋯！」邱旻顥無奈地望一望喺佢身後嘅李逸彤，又望一望沈心怡

潘景諭微微低頭望沈心怡，沈心怡剛好抬起頭望住潘景諭，望向對方嘅時間總係咁輕易對上

「好彩我地拉開你兩個啫⋯」潘景諭帶着半責備嘅語氣對沈心怡講道，「你反應咁慢點得⋯？」

「多謝你囉⋯」沈心怡扁起嘴，彷彿因為聽出潘景諭嘅責備而唔開心，但下一秒卻忍唔住笑咗出嚟，「噗⋯！」

「笑咩呀⋯」潘景諭見到沈心怡忍唔住笑，本來一臉認真嚴肅嘅佢，嘴角都微微上揚

「宜家都冇事～」李逸彤聳肩，吐吐舌頭講道





「下次唔好拉佢地，由佢地比人撞。」潘景諭同邱旻顥對望後淡然地講道

「喂！你咁對朋友？」李逸彤伸手輕打咗潘景諭一下，「點做人朋友㗎⋯都唔知點解咁多女仔中意你⋯」

「關咩事？」潘景諭無奈地反一下白眼，「兩件事完全冇關係。」

「外貌協會。」沈心怡對李逸彤細聲地講道，但企喺佢身旁嘅潘景諭將沈心怡呢句說話聽得清清楚楚

「多謝，你嘅稱讚我會照單全收。」潘景諭毫不猶豫地直接感謝沈心怡

「我唔係讚緊你囉！」沈心怡一臉無言地講道，「可唔可以謙虛啲？」

「我已經好謙虛～」潘景諭笑了一笑講道，總覺得心情莫名其妙地變得好好，「你都只係冇咁直接咁讚我靚仔啫。」

「你真係一啲都唔面紅⋯」李逸彤輕皺起眉頭，一臉嫌棄咁望住潘景諭，沈心怡點點頭表示同意





「事實唔怕認。」潘景諭一臉認真咁講嘅同時望一望沈心怡，沈心怡同潘景諭對望，然後反一個大大嘅白眼

李逸彤同沈心怡從兩個男仔嘅身旁行到去佢地嘅前方，呢個係習慣

「都唔知係唔係男仔都咁自戀⋯」李逸彤講道，然後同沈心怡一齊，幾乎同時回頭望向邱旻顥

「唔⋯多謝。」邱旻顥猶疑咗一下之後，朝兩個女仔點一點頭

「救命⋯」李逸彤頓時無奈地反一下白眼，沈心怡搖搖頭

「宜家啲男仔都係咁樣⋯」沈心怡細聲地講道，「自戀⋯」

沈心怡回頭望一望潘景諭，潘景諭嘅左手插喺褲袋，右手拎住手機，頭微微耷低，目光停留喺手機嘅螢幕上





「其實話佢靚仔都不無道理⋯」沈心怡收回視線望向前方後，默默地喺心裏講道

沈心怡嘅內心都承認潘景諭嘅帥氣，只係佢唔會特登將呢句說話刻意咁講出口




IG Link: https://www.instagram.com/nd_cotttoncandy/?hl=zh-tw