我係偽娘 喺交友app上遇到千奇百趣嘅事🏳️🌈 🏳️🌈（80%假人真事）［第四愛］: 番外5 找回8年前的情人節（正式完故）
「你最近點呀？」Jason。
時間輾轉已經是二月份的第七天，也是年初七的人日；今年的大年初一，完美地落在二月份的第一天，日子真好算。
這幾天，由於連Priscilla也有自己的工作要忙，於是我也留在大學宿舍裡溫習。
就趁我還在數學功課時，我收到了一則由兄弟Jason給我的WhatsApp短信。
當我再仔細翻著手機內容，才發覺原來我miss了他剛才撥過來的通話，於是我又回撥。
我：Jason？
Jason：今晚出唔出嚟公園飲酒？
我：唔喇，想溫書
Jason：你最近有咩攪呀？
我：冇，都係溫書做功課囉。
我：同你講呀，我最近識咗條女，上星期仲去埋人地屋企度瞓。
Jason：條女係網上識？
我：係呀
我；其實上個月已經識咗，計埋前面已經見過三次面。
然後，我把相識的經過，我和Priscilla一起做過甚麼事，去過哪裡，簡略地告訴Jason。
Jason：拖咗手未呀？
我：Er......撓佢隻手呀，摸佢個頭呀，平排咁撓住佢條腰行路呀，呢啲算唔算？
（停頓2秒。）
我：總之呢！⋯⋯係有掂佢嘅。
Jason：你主動啲嘛！
Jason：有啲拖手仔動作我要教一教你。
我；你等埋我，我今晚出嚟！
Jason：屌你，你條友真係呀，一教你溝女你就即出啦？
（突然譏笑起來。）
我完全沒有打扮，只換上很隨便的男裝，便出門見Jason。
我們買了半打啤酒，就在附近的公園找長椅坐。
「Cheers！」
喝酒不一定吐真言；但是整個氣氛瞬間變了「心事台」。
我一五一十地把我和Priscilla由網上相遇，到相識的經過，還有中間發生過甚麼事，和她的基本背景，完全地告訴Jason。
Jason：有冇樣睇下？
要了解一個人，看她的IG都是家常便飯。
Jason例牌地審視著Priscilla的IG檔案，只要相片中有Priscilla的樣子出現，他都會去看。
Priscilla去過不同國家拍照，歐洲的有英國、意大利、捷克等等，亞洲的也有日本、台灣，有些是她在田裡、在火車站拍下的全身寫照，也有些精選動態是她和一些外地人的合照。
我在Ch.22.2也提過自己的擇偶條件，就是因為她會周遊列國，而且性格上也是偏向腐女型，樣子勉強過得去但是懂一點打扮，也會寫劇本；論學歷要求我也不高，基本上，只要跟我一樣至少「香港八大」就可以，她完全不是問題。
目前來講，她是最接近我最想要的類型。在初次約會時，她給了我最有女朋友的感覺。
因為和家人關係不好，所以要保持地下情，有事向Jason請教。
我：你覺得佢點？
Jason一邊看一邊認真地思考著。
Jason：我覺得佢靚極有限。
我：靚極有限？
我倒也想聽聽Jason怎說。
Jason：佢好明顯喺大陸落嚟之後，想融入呢度嘅主流生活，但係又入唔到。
我：我記得佢講過話住咗6年，差幾個月就攞永久證。
Jason：佢係好需要有人帶路。
Jason：佢單身咗幾耐呀？
我：都差唔多4年啦。
我分享著自己所得的情報給Jason。
Jason：我可以話俾你聽，佢好明顯就係香港搵唔到仔。
Jason：佢身邊擺明就冇咩男性朋友。
Jason：你係食得住佢嘅。
我：你肯定佢冇人溝？
Jason：好明顯啦，佢係入唔到香港人個圈子，更加唔好講要搵人出pool。
我：佢都話喺香港冇咩親朋戚友。
Jason：而家仲封緊關嘛？
Jason：趁呢個大好機會，有得上佢就上啦！
Jason：你再開個IG出嚟俾我望下。
Jason再次閱覽著Priscilla的檔案，他在無意之中，發現到一張相片，那是Priscilla在一個海邊的柱子旁，「壁咚」著一個女性朋友。
Jason：有樣嘢我頭先唔記得同你講⋯⋯
Jason：呢個女仔個樣，令我覺得佢前世係TB。
我所認識的Jason，偶爾就是會語出驚人。
我：唔係好明。
我喝了一口啤酒，Jason也來一口。
Jason：我意思係佢有可能以前做過TB，maybe中學啦，然後而家又想認真做返一個女仔。
我：學你話齋，所以佢先至要咁需要有人帶路？
（我微微暗哼一聲。）
我又翻看著這張她和朋友的海邊寫照，那女生和女生「壁咚」的動作⋯⋯
我：我明你講咩喇！
可是，再想想Jason的話，又覺得Jason的分析太武斷。
我：但係⋯⋯你剩係望呢張相，就覺得佢做過TB？會唔膚淺得濟呀？
Jason：佢身邊實有至少一個les/TB嘅。
說完這句，又真的讓我想起，在第二次跟Priscilla約會時，那段3人行的經歷，Priscilla又真的有一個這樣的朋友。
說真的，那個朋友就是Jason所說的那種人。通常一個LGBTQIA的人，身邊總會吸引來一些LGBTQIA的關係。物以類聚，是整個宇宙其中一條不變的鐵律。
我：咦，你又講啱喎！！早兩次見面，佢又真係有個TB打扮嘅朋友俾我見喎。
Jason：嗱！！！我係咪講得好準呢？
（他對自己的觀人術𣊬即自信起來說道。）
Jason：呢個女仔分分鐘性慾好強嗰隻，強到想同女仔磨豆腐嗰隻。
我：佢係雙性戀？
Jason：唔⋯⋯又唔係雙性戀嗰隻嘅，純粹係鍾意玩呢啲刺激野。
Jason：只係佢一直都抑壓住自己。
Jason：你都講啦，隔咗4年冇扑過嘢，而家就係佢閪痕嘅時候。
可是老實說，在過去的3次約會，她對我的表現都是中性，我感覺不到怎樣的好感反應，難道她也是在抑壓自己的情感嗎？
說著，我又分享著在年三十那晚，Priscilla為我拍的海邊寫照。
Jason：啲相係佢同你影？
我：係呀，佢幫我影嘅。
Jason：呢張又影得係幾高，但係後面嗰張半身型啲。
Jason：係佢主動幫你影？定係你問佢，佢先同你影？
我：我問佢㗎！
Jason思索了一會，然後欲言又止。
Jason：我建議你唔好咁投入佢度先。
如果是一般跟Jason做朋友的人，是會覺得Jason又在語這種打自打嘴巴，一時又叫人追下去，一時又叫人別再追；然而，我卻明白到這句話的弦外之音。
畢竟，經歷過跟不同女生的相處，我也有一定的「慧眼」修煉，知道某些微動作，微反應意味著甚麼。
她主動為我拍照，和我問她為我拍照，完全是兩回事。
我：點解？
（我想聽聽Jason怎說。）
他思考了一會，就給出了答案。
Jason：而家問題唔係邊個傷害邊個，而係佢唔會投入落人哋個感情度。
所以，這就是她一直單身的其中主因？
Jason：你可能放個感情落去，但佢未必攞個心出嚟對你。
我：但佢唔係player挂？
Jason：嗱，佢就冇咩嘢嘅，唔會話點樣要捅你一刀。
Jason：純粹就係佢根本唔知咩叫拍拖，要有人教佢先至識嗰隻。
Jason：分分鐘仲要教完都唔識嗰隻。
果然，Jason的「寫輪眼」級別，比我還高得多。
Jason：你信我講啦！識住其他先！
Jason：我見過，識過嘅人多過你好多，梗係知咩事啦！
Jason：我一眼就睇通。
Jason：Priscilla俾你上去佢屋企，可能只係佢文化背景係咁。可能佢喺大陸或者外國生活時，慣咗用呢種方式識人。
這點我認同呀，上星期我也是以社交式擁抱來作道別，這點我點很清楚。
Jason：你而家有得食佢，係我就食咗先講！
我：萬一我搵到更好，而佢又對我落咗感情，我想甩身，咁點算先？點收科先？
我憂慮的主要不是道德問題，而是怎樣在一方面維護自身利益，另一方面去處理責任。
Jason：你怕咩啫？到時你咪係咁話讀書忙唔得閒囉；時間一耐咗唔見，佢自然會收㗎啦。
Jason：你驚咁多做咩啫？第一碟餸嚟咗就食咗先㗎啦，唔通慢慢等其他餸等到凍曬咩？
Jason：加油，我撐嘅！！
儘管他有一小部說的話，我是不認同；但大致上，我還是相信他的分析。
「情人節我們一起去吃大餐！」Priscilla。
「到時見！」
我約好她在下個星期，即2.14情人節約會。
我又再去看Priscilla的樣子，翻到她IG那些很久之前拍的照，說實話，突然覺得她的樣子，有點像我8年前遇上的那個初戀情人。
原本，我打算就這樣刪除交友app。
「你信我講啦！識住其他先！」然而今晚被Jason分析一番後，我決定保留一切的可能性，沒有把Tinder和Bumble趕出手機的畫面。
對上一次有女朋友陪伴的情人節，輾轉已經是8年前。這年的情人節，我會有怎樣的體驗呢？是找回8年前，那種有女朋友的感覺？還是不一樣的體驗？
待續⋯⋯