我係偽娘 喺交友app上遇到千奇百趣嘅事🏳️🌈 🏳️🌈（80%假人真事）［第四愛］: Ch.5.5 一個令我學習觀察女人心嘅機會：Annie
第二早，我們又繼續聊。
Annie表示打算在30歲之前獲得碩士資歷。
Annie：我好似咁大個時已經畢咗業做嘢
Annie：我大過你，而家已經搵到俾拍拖更有意義嘅事。
Annie：最近我掌握咗AI
相處了超過一個月，Annie給我的印象是一個事業感重的女性，當她說出以上的話時，我漸漸地感受到我們之間有微微的年紀差距。
Annie：唔好做女人啦，嚟M辛苦。
我：所以我咪中意做百變怪囉，自由自在。
我：你係咪嚟M所以攪到你琴晚咁想傾性topic？（笑喊
Annie：係，你咁清楚嘅？
Annie：通常一嚟M啲男仔個個剩係叫人飲暖水
Annie：從來唔識關心女仔
對於不是真正女人的我，雖然永不可能感受到什麼是真正的經痛，但是有個基本概念知道：女生經痛時，不是叫她多喝水就等於解決問題，如果當下沒法抽空陪伴她，至少也要嘗試跟她聊別的話題來分散對「痛」的注意力。
我在跟上一任女朋友交往時也是這樣做。
我：雖然我係偽娘，但我仲保留好多男人嘅思考模式。
Annie：偽娘好呀，識女人心
Annie：不過我不敢苟同
Annie：你都講過啲嘢㷫到我辣雞
我：其實你係咪好小器㗎？😏
Annie：係，公司啲人仲叫我開本簿記低咩事 😒
我的直覺告訴我，她已經在生氣我什麼，但是我又想不出那是什麼事。我只好嘗試聊不同的話題，例如工作、音樂、貓狗、旅行等等。
Annie傳送了一則政府公務員的連結給我。
Annie：去做啦，你嘅條件啱曬嘢。
當說到工作和興趣，我開始感受到我們之間的共通性格愈來愈少。
一說到公務員，我就開始把她和我的上一個match——Susan對比起來。
在跟Susan聊天時，她會偏向聊旅行的話題，愛分享旅行時的所見所聞；而Annie則對出國旅行興趣不大，主要談自己怎樣渴望著工時穩定但是較為沉悶的公務員。
對於我較愛自由奔放的人來說，可寧願別人能跟我多談一點世界各地的趣事。
本以為她生我的氣已經告一段落，於是晚飯後我們又繼續聊。
Annie：好想知你平時係咪都咁同人相處？
我的直覺告訴我，她有什麼事情將要罵我，態度將180度轉變，而且還會對我連珠炮發地口誅筆伐，就像毫無先兆，突如其來的暴風雨，殺個措手不及。
我：我平時同人相處好好嗰喎。
唉，我都知來不及了。
Annie：下？
Annie：咁點解你會令我成日覺得嬲同無奈？
然後如我所料，她打了長篇大論罵我。
「我當初專登有幾次唔提『豬扒』就係想test你識唔識做，原來你係咁唔識做人」
「你上過討論區明知『豬扒』呢個字點解，但你三番四次係咁對我講，我覺得好冒犯」
「你有冇諗過人哋聽到之後感受會點㗎？」
「你仲細，咁嘅做人態度將來出到嚟一定死梗」
突然我的心情晴天霹靂，啊，原來聊了超過一個月換來的結果就是這樣被罵一頓。
啊，原來她一直以來不願跟我外出是浪費我時間嗎？
啊，因為我年紀比你少1.5年，所以你就把我看得那麼低賤嗎？
啊，我做人不用你教！！！！
我無言，最後她傳了一句：你真係覺得自己冇問題？
既憤怒又失望的我馬上封鎖了她的TG，以及一切能聯絡她的方法。
封鎖她的原因並非憤怒蒙蔽自己的理智，而是：一來我神經很敏感，不想再讓她繼續罵我，我會受不住；二來我對這段關係已經絕望，我覺得連朋友都未開始便這樣吵架，開局都這樣，哪有好下場呢？我完全沒有修復的意欲。
憤怒和失望的心情交織在一起，記得那一晚，我找好友Jason傾訴。
Jason：有咩心事呀？慢慢講啦。
我：我話佢「豬扒」，本身係冇惡意嘅，但⋯⋯唉！我真係唔識兜返轉頭，都唔知點算好。
心情未平伏的我有點語無倫次地說著。
Jason：定定嚟，慢慢講啦。
我稍為平伏後，說著這過半個月來跟她相處的經歷。
我：佢根撚本就喺度玩嘢，咁樣test鳩我都有嘅！！！
Jason：話說你有冇試過唔理咁多約佢出嚟見咗先？
我：試咗幾次喇，一約親佢佢就會嘗試轉移話題，好似想避咁。
Jason：我當初都話㗎啦，嗰個肥妹仔，我之前一睇就覺得唔對路，邊可能同你啱傾呢？
Jason：屌，呢啲嫁唔出嘅肥妹仔，擺明係bitch嚟㗎啦！
Jason：平時中意發夢搵一個高大靚仔嘅歐美男子，但現實就冇人吼佢，眼高手低。
Jason：我係咪又講中佢呢？
（陰陰嘴笑）
我：佢的確係講過想溝歐美男仔。
又被Jason說中，事實上我認識了Jason多麼久，Jason本來就到過世界各地遊玩，諗過國際學校，做過花花公子交不同的女生，也見過大場面，什至跟人惹過是非，對人心的了解近乎街邊擺檔的風水師；Jason什至能「以貌取人」，單從一個人的面相大概猜度一個人的性格。
我：屌佢老味！
我：佢而家咁即係點撚樣啫？係咪因我year 1 而佢U-grad所以我好串啲？係咪因為我年紀細所以好玩啲啫？佢仲要擺個家姐款出嚟教細路呀！！
Jason：車！佢都大得係幾年啫？
我：2年都冇啦，年半咋嘛。
Jason：咁咪係囉，都唔係好多啫，我三十幾歲人喇，我大佢幾年添啦！叫佢試吓係我面前扮姐姐呀？我教返佢做嘢就真嘢。
（微笑地說）
我：唉，估唔到佢今日露出真面目，原來佢係咁對我。
我：我而家最嬲係佢嘥鳩時間，傾咗成過半月都唔肯出嚟見囉。
Jason：一隻野豬仔咋嘛。
Jason：佢擺到明就係平時冇人溝，嫁唔出嘅人，然後上交友app搵食啫。
我：我估唔撚到隻野豬咁撚樣撞鳩我囉。
Jason：咁叫佢試下撞我囉，哼！
（暗笑一聲）
Jason：所以我都唔知你嬲乜，講嚟講去，你都希望搵到個高汁又啱自己傾嘅女仔啫，係咪？
Jason：淡定啲啦，而家拖都未拍就收皮，又唔係拍拖俾人分手咁傷，我諗過多排，呢件事對你就變成過眼煙雲㗎喇。
經過Jason在電話上的安慰，我徹底冷靜下來。
事隔幾日，如Jason所言我已經能繼續往前走，過回正常的日子。
事後我又反思Jason那晚講過的話，還真的有道理。
先檢討這次的經歷，我仍然需要提升自己的女人心的觀察力，避免再次出現像這次惹怒Annie的情況。
其次，又是在跟Susan聊天時遇上的同類問題：聊兩星期才約會是否太慢了？我真的要調整節奏才行；還有的是，如果她在app上跟人聊很久，但是屢次不肯出來與人見面的話，那麼能發展的機會基本上已經渺茫。
現在又想想Jason那晚的說話，還真的有不少道理。
Annie是大學畢業生，而且還進昇讀碩士，很重視事業。
人際關係方面，她說過她的公司全都是女生，基本上除了幾個中學同學外，平日都沒有接觸男生的機會；而她平日都愛跟公司的女同事談閑事，什至放假時都會聯絡一群同事到像Starbuck、Crosstini這些地方消遣。
我已經大概掌握到她是個怎樣的人。我不像Jason，我不在此評論她的好與壞，經過過過半月，Annie這類女生適不適合我，已經心裡有數。
再想想當初match她時，本來我只想借此機會來練習跟女生溝通，而非真的為真愛而match；但是沒想到，我最後竟然認真起來，真諷刺。
在Tinder上，有很多大陸和外國人，Annie是我在這個app上繼Susan之後，遇上的第二個香港女生，但我這次竟然被「港女」反弄一道，不禁苦笑。
好了，繼續找下個吧。