男友出軌，我決定送26頂綠帽比佢: G ： G奶擒拿手 (4)

「我地出去行下好無啊？」

「打埋呢鋪先。」丁家岐望實個屏幕，同隊友匿埋係一二角，有人黎就掟煙霧彈，亂槍掃射搶人武器。

認真到六親不認既地步。

唔知仲以為佢處理緊國家大事，禁一個制就會射出導彈果隻。

「難得出黎staycation都唔陪下我。」我扁住嘴，拍一拍丁家岐個頭。





「快啦。」佢心不在焉咁答，砰砰砰又爆頭殺咗幾個人。

唔騷擾佢啦，費事佢錯手連我都殺l埋。

繼續同G奶傾偈先。

G奶：落堂...妹妹仔能落糖給我嗎？

我：點樣落糖呀？





G奶：例如可以send一張裙底照俾我

我：好鹹濕啊...原來你係大灰狼

因為呢一句話，我即刻將佢腦補為踢住拖、露出鼻毛、長期唔沖涼唔洗頭、口水流滿地既猥瑣大叔。

G奶：個個男人都係，我只係其中一隻

G奶：嗷嗚~嗷嗚~咬開你件水手服，匿入去撒個嬌先





不過，如果佢真係咁樣衰，我就唔會有興趣同佢傾落去。所以，當佢係一隻毛茸茸既大灰狼好了。

我：睇黎你對水手服情有獨鍾喎

G奶：等我幻想下...推高你條深藍色短裙，露出一對又幼又嫩既小腳，著白色襪，仲有對甩下甩下既黑色平底鞋。

我：我唔係著水手服：）

G奶：唔通你著旗袍？咁要抓開你胸前的排扣，然後將你條裙既開衩位拉到上屁股。

我：都唔係，咪再意淫我啦

我：雖然旗袍係幾靚既：p

G奶：旗袍對身材既要求好高，要有波有腰有pat先著得好睇。你有無呀？





我：瘦得濟撐唔起

G奶：咁要餵你食多啲野 等你再次發育

G奶：唔係旗袍 又唔係水手服 究竟係咩？

我：你估下啦

G奶：要我估就咩都無著

我：你就無著呀，我套校服係白色連身裙

G奶：咁就更簡單。吹起你條裙，捐入你大髀中間，拎條尾黎fing你





我：你咁大隻，邊度捐得落啊

G奶：你擘大啲隻腳咪得

我：......

我：你唔使寫文架？咁得閒既。

G奶：狼係夜行性動物

G奶：你夠唔使陪男朋友

我：佢掛住打機唔理我：（

G奶：咁唔識做...打緊咩機呀？





我講咗個遊戲名俾佢聽。

G奶：我都有玩開呢隻game...開外掛幫你教訓下佢？

我：唔使...手下留情。

G奶：最毒少女心，我中意。佢帳號係咩？

我：darkflame666

G奶：你既幸福交俾我啦

我：宜家我又開心番，你真係好識氹女仔





G奶：惜番先，請你飲奶茶

我：咁好？

G奶：你係邊度附近呀？

我：tst

G奶：我想和你無所事事，識得去嗎？

我：下？真係請架？

我以為佢最多send張奶茶sticker過黎。

G奶：幫你叫咗黑糖珍珠鮮奶拿鐵。

【G奶給你傳送了一張Food Panda收據

備註： 少甜 少冰

來取餐的可能是個可愛的妹子】

作家果然係作家，可以係日常生活既小事，毫不造作地加插浪漫元素。

G奶：你行過去拎啦，我準備大開殺戒了。