《我既人生竟然由一張紙牌A搞到重新開始？》: 第五十六章 與母親的訣別

我走進裡頭，看見母親正躺在床上。

「媽！」我欲想上前，卻被兩個壯碩男子攔住。

我回首望向陳真，只見陳真揚揚手，那兩個男子便讓開身子，讓出一條空隙。

我穿過空隙走到床前，看見母親清醒著，不過意識很薄弱。

我握起她那冰冷的手，道︰「媽！我係阿宏呀，發生咩事？」





她微笑，道︰「係…係宏仔呀？太好啦…可以見到你就太好啦。」

「媽…對唔住呀，因為我走左，搞到你咁樣…」

「唔緊要…只要你無事就好啦。」

陳真這時提點起那秘密一事，插口道︰「阿鵬，關於個件事…」

「得啦！我知啦，比少少時間我！」





「宏仔，有件事我想同你講好耐。」

「你講呀媽。」

「我一直都覺得對唔住你，比唔到咩好生活你，又冇能力栽培你，搞到你人生冇目標，生活過得咁辛苦。」

「唔會呀，你冇對唔住我，係我對唔住你，應該讀書個陣就成日打機，又成日唔聽你講野…」

「聽我講宏仔，人呀…唔會做咩都一帆風順，就算遇上幾多挫折，你都要活得快樂…你活得快樂，就係我最大既滿足。」





「我會架媽。」

「媽子我攰啦…泥緊既日子你要好好照顧自己。」

她閉起雙目，冰冷的雙手軟弱無力。不論我如何呼叫她，她都沒有再回應。

直至陳真上前制止我，我才意識到，我母親已經離開了。