《我既人生竟然由一張紙牌A搞到重新開始？》: 第五十章 李文海

「你就係李文海？點解？點解你要做啲咁既事？」

李文海點了一枝煙，道︰「因為亞尼哥背叛左我，個班人竟然要我係A-ZONE入面自生自滅，當初我枉我仲咁堅信佢地既理念，認為呢個紙牌計畫係行唔通。」

「背叛你？」

「冇錯，就係琴晚A-ZONE所發生既動亂，原本我諗住以佔據A-ZONE作為對抗政府既籌碼，但冇諗過亞尼哥班人，反轉豬肚就係屎，竟然寫一封信同我講我既行為過左火，結果同我撇清關係。」

我知道他所說的信，就是那封司徙交給我的信，雖然我沒有看過裡面的內容，但我知道這當中必然是涉及一個人，那就是阿亮。





我道︰「件事未必係你諗咁架。」

李回應道︰「咁係點？佢地背叛我係證據確鑿，由今日起，我同亞尼哥唔再係同盟關係。」

他繼續道︰「我決定要係呢個紙牌計畫下生活落去，所以，葉智宏你既媽媽唔可以在生。」

「咩話？你到底想點！」

李文海淡然道︰「我已經派左手下去醫院，好遺憾你唔可以見你媽媽最後一面。」





「停…停手呀！」