《我既人生竟然由一張紙牌A搞到重新開始？》: 第四十六章 準備

理查森走進來，向我道︰「我地又見面啦。」

「你地到底想點？」

理查森一臉凝重，向我道︰「得到特首既罪證，然後將佢既惡行公諸於世。」

他繼續道︰「我希望你可以同我地合作，因為如今得到重要資訊既人，就只有你媽媽。」

「果然，你地係想利用我從我阿媽口中問出背後既陰謀。」





他點頭，道︰「冇錯。」

我握住拳頭，道︰「要幫你地都唔係唔得，但有條件。」

他道︰「你講。」

「我要見我阿媽一面先！」

他沉下臉龐，道︰「依家你係市區被政府通緝緊，醫院保安都好嚴密，我唔建議咁做。」





我淡言道︰「咁你唔洗旨意我幫你！」

他嘆了一口氣，道︰「咁好啦，我幫你安排見一次面啦，但時間點都只可以係夜晚，日頭既話風險太大。」

我點頭回應，隨後理查森又繼續道︰「咁呢段時間你就留係度啦，到時搞掂之後我會通知美奈同司徒。」

隨後他走出房子，美奈繼續監視著我的一舉一動。

於是，我就在這情況下度過一個下午，直至晚上司徒一郎再次過來，事情才有新的展開。