《我既人生竟然由一張紙牌A搞到重新開始？》: 第二十四章 神秘人再現

好不容易才逃出屋苑範圍，如今我已然在回A-ZONE的路途中。

我一邊走著，一邊思考母親的情況，就在這時，那神秘人再次出現我面前。

他道︰「你好，上次同你講既野你考慮成點？」

「我阿媽依家失左蹤，我唔得閒理你地。」

我走過他身旁，與他擦身而過後，他又突然開口道︰「你阿媽冇事。」





我轉身看著他，馬上追問︰「你知道我阿媽係邊？」

他沒有出聲，靜了下來，隔一會兒道︰「你答左我個問題先。」

我馬上衝前捉住他衣領，怒斥︰「係你地捉左佢？」

他托一托墨鏡，搖頭道︰「唔係。」

「咁佢到底依家係邊！」





「你知道左又點？係呢個政策下，你根本就無能為力做任何事，頭先你都見到自己幾咁狼狽。」

我鬆開手，推開他，道︰「個個係我唯一一個親人泥，我只係想見佢一面！」

他拍一拍衣領，道︰「我明白啦，既然係咁，我都唔會強逼你，但如果你真係仲想見你媽媽一面，咁你就要盡全力提升你既數值。」

我望向他，此時他已轉身背向我，他繼續道︰「你唔想反抗既，就只可以係呢個唔公平既政策下努力求存，如果你做唔到，你所講既野都只不過係夢話。」

「到你去到一定既數值，你自然可以見返你阿媽。」





這是他臨走前說的最後一句說話，我獨自站在原地，天空也下起微雨，冰冷的雨水落在我的臉龐，冰冷了我的感覺。