《我既人生竟然由一張紙牌A搞到重新開始？》: 第十一章 新的鄰社

早上的8時，A-ZONE眾人都已經紛紛起床，今朝那殺人案件依然是眾人紛紛討論的話題。

我、老伯、那梅花A的男人、女人和胖子坐在床架旁邊共進早餐。

早餐是普通的三文治，裡頭餡料並不特別，只有碎菜和碎蛋，十分難食。

而那個逃過一劫的男人就坐在我的身邊，咀嚼著那個難啃的三明治。

我們並沒有談話，我亦不敢開口與他搭話，因為原本應該死的人是他才是，但因為我當了好心的關係，反而害死了那個瘦弱青年，如今我看著眼前這個男人，我就會有種內疚感，而這種內疚感可能就是我不願和他搭話的原因吧。





那女人是最快把那三明治食完的，她開口向那梅花A的男人搭訕，道︰「靚仔，你有冇煙？」

那男人搖頭，繼續吃著三明治。

那女又再追問道︰「呀！咁你既然數值高過我地，唔知有冇方法可以整包煙過我呢？」

那男望了一望那女人，然後還是沒有理會她。

那女人也知趣，擺出一幅無趣的表情後便走開了。





然後他轉過頭看我，道︰「你一陣同我篤哂想殺我既人出泥。」

我與他對望，只是他的眼神太過銳利，而且還有那個瘦弱青年的關係，我一秒也沒有對到便移開了視線。

我看著地板，回道︰「下…下？篤完佢地…之後…又點？」

他嚴肅道︰「喂！你戇鳩？唔通由佢地一直逍遙法外，直到殺死我地為止？」

我急忙退縮，回道︰「係…係喎，但…單憑我講，佢地未必會信我架喎…」





他答道︰「你放心啦，個班黑衣人都唔蠢，點都會將佢地納入嫌疑犯先，我地就等佢地睇住班友，再搵證據就得啦。」

我馬上問道︰「你…點解咁肯定佢地會咁快納入佢地做嫌疑犯？」

他皺起眉頭，馬上駁斥道︰「我屌，依家呢度發生命案，佢地作為呢度既管理人，就已經係疏忽職守，假如佢地仲要搵唔到嫌疑犯，你估佢地唔比上頭屌死咩？」

我點了點頭，回道︰「咁…怕唔怕佢地先將我地一軍，話我地有嫌疑架？」

佢嘆氣，搖搖頭道︰「你睇佢地人都可以殺錯，就知佢地冇撚腦架啦，你咪撚再問啦，食完就同黑衣人篤佢地出泥。」

他走開了，走到一個角落四處觀察，留下我、胖子和老伯在原地。

胖子開口道︰「呀！唔夠飽呀！」

我聽見後，把自己剩下的三明治給他，反正我也沒有太大胃口。





他向我道謝後，便繼續狼吞虎嚥，老伯緊接開口，道︰「個個瘦仔死唔係你既錯。」

我望向老伯，驚愕了一陣，道︰「但…但係…」

老伯打斷我的對話，道︰「我地都唔知條友會用咁既方法保命，個條友竟然會以身份強迫換床，可憐個個乜都唔知既瘦仔，就真係聽佢講換床，結果一換就連命仔都冇。」

他繼續道︰「我都有責任，呢件事唔係你一個錯。」

我們沉默了一陣，接著我又繼續道︰「佢要我向黑衣人篤班友出泥。」

老伯回道︰「冇錯，你的確要咁做。」

我隱隱點過頭，思考了一陣，便站了起來，往黑衣人走去。