<時光倒流一句話>: 《浪漫溫馨一世紀》

《浪漫溫馨一世紀》

「起身喇！！！」「起身喇！！！」
屌，又係我個死人鬧鐘。一睇，唉，碌柒，已經7點半，睇嚟又要狂奔返學。每日朝頭早訓醒嗰陣，一諗起返學要跑樓梯，我就頭都痛。不過我應承過我阿媽，我form6張成績表上面寫住遲到次數要係0。正當我煩緊嘅時候，紅姐突然開口：「唔好唔記得你應承咗我d咩！」我心諗：「唔撚係掛…你咁都知我諗緊d乜…果然係我老母。 」「嗯，知道喇知道喇，牙媽妳今日返工都要精神！Bye！」講完之後，我就求其拎左塊麵包揸埋一舊就塞落口，飲左2啖橙汁，然後拿拿臨著鞋出門口。

「阿，我屌，咁撚大雨嘅…？」
出咗門口之後，我先發現咁大雨，我仲要冇帶遮…我個樣簡直黑過黑人問號。而家大雨到好似黑色暴雨咁款，但係誠哥嘅李氏力場保佑我香港，所以依然係黃雨，咁多位香港人朝頭早準時返工返學。於是，無奈嘅我如常喺行人道上狂奔，但係唔知點解右邊patpat深處有個位好似un住un住咁，我諗…應該係過勞所造成嘅肌肉痛掛？話曬每日放學都要練波，都真係好攰吓。「右邊patpat好痺啊屌…」呢種感覺已經持續咗個幾月，但因為次次都係過一陣就冇事，所以都應該唔係太大問題。雖然痛起上嚟真係好痛，好唔舒服，但諗起紅姐，同埋為左我份成績表，我嘅前途，而家認真唔係停低腳步嘅時候。

「唔該～唔該借借～唔該曬～」
比雨dup到濕曬嘅我一路狂奔，個嘴一直係咁喺度重複講呢幾句嘢，內心都唔知屌咗天文台老母幾多次…同時，我心裡面默默希望d路人可以俾條生路嚟行下，因為條路真係好鬼死塞。呢個時候，我望一望手錶，大獲，8點正，我得返5分鐘。仲有一個街口，同埋182級樓梯先返到班房。由於今日遲左起身同埋頭先太急趕住出門口，唔記得拎遮…不過冇計啦，唔濕都濕曬，真係好煩啊頂。跑啊跑，最憎跑步嘅我，戴住口罩跑左一陣就拉曬車。但冇辦法，阿sir話做運動員最緊要係堅持，所以我就選擇咗頂硬上，衝返去。





「叮噹叮噹～～～叮噹叮噹～～～」
時間嚟到朝頭早8點05分，我準時拍卡點名。點完名之後就再鳩衝返班房準備上堂。

「宇啊！宇，你返到喇？陰功豬囉，dup到濕曬！做咩唔開遮啊？」阿wing碌大隻眼含情脈脈咁望住我，順手幫我抹乾副眼鏡上面d水珠。

「我不嬲都唔鍾意擔遮㗎啦～再講，我dup住雨咁狂奔，你唔覺得成件事好young，好熱血㗎咩？成個日劇男主角咁款喎。」落雨嗰陣次次都唔開遮嘅我懶醒咁講。

「啪！」
阿wing突然180度改變，發揮男人婆本色，一嘢拍落我個頭度。





「唔熱血啊！你淋雨淋到感冒，我係唔會陪你去睇醫生㗎！Yark屎啦你！」

「你凍親嘅話！我先唔會煲粥比你…同埋陪你食…」

「收聲。」佢仲未講完，成身濕曬嘅我已經一嘢抱起佢，然後一啖嘴咗埋去佢個嘴度，於是佢就被逼收聲。

面對阿wing嘅嘴砲，我反而覺得佢1d都唔惡，因為我一直都知道呢個係佢對我專屬嘅溫柔。






「嘩～」「嘩屌！！」「牙宇放開人地啦！」
雖然呢3年我同阿wing幾乎日日都係咁，老師都已經司空見慣，但班上同學嘅起哄聲此起彼落，笑死，一個字，好撚正。

「喂啊！放開我啊！」
得嗰米6嘅佢點會夠米8嘅我大力，睇住佢怕醜到紅都面曬個樣，真係好撚正。嘻，我女朋友真係好可愛。

「上堂啦，傻妹。阿，係喎，你知唔知今日咩日子啊？」我特燈扮唔記得，睇下佢記唔記得。

「呵，我仲諗住扮唔記得，睇下你記唔記得添！果然老公仔係最醒目㗎！」

痴孖筋…一撚樣嘅，不過咁都證明左，3年嘅默契唔係廢。「我，哈哈哈哈哈哈哈哈哈哈。」我成個on9咁攬住佢係度傻笑。

今日係我同阿wing拍拖3週年嘅大日子。

對於我同阿wing呢一pair仲讀緊書嘅小情侶嚟講，3年呢段時間話長唔長，話短唔短。講真，喺阿wing面前我可以好舒服咁做返自己，我咁大個仔都冇試過咁開心。喺大家就快長大成人嘅呢幾年，我好慶幸有阿wing一直喺我身邊。漸漸地，阿wing已經成為咗我生活中嘅一部分，無論係日常生活中嘅喜怒哀樂，大事小事，我地都一定會同大家分享，一齊笑一齊喊。有時即使我地唔得閒出嚟見面，每時每刻嘅短訊嘅關心問候，都會令我覺得阿wing就喺我身邊傻更更咁望住我笑，真係好鬼死得意。





ig@y_writin
請大家follow我嘅ig☝🏻咁就唔會錯過所有update嘅嘢！❤️如果鍾意故事，請您撳「追故」，呢個會係我一直寫落去嘅動力！٩(˃̶͈̀௰˂̶͈́)و