點解我嘅校園戀愛喜劇缺少了戀愛成份？: 第03話

啲人個個嚟親熱鬧，睇表現之際，我就偷偷地走人。為咗要溝得到庭庭佢，我決定去調查下佢先。

所以咁多位女仔，如果一個男仔突然好關心，又或者會係咁問你攞你嘅「資料」嘅時候，10個入面有11個都係想溝你，所以大家小心啲。

所以呢，我唔會做啲咁on9嘅野，識搵一定搵啲同女女行得好埋，當正自己係女仔嘅hehe。嗱！我唔係歧視呀，如果有更好嘅說法，請你留言話我知。

返返正題先，所以我決定搵呀希哥，定係應該叫希姐呢？唔好理啦，總之都係名。佢同啲女仔行都埋，實有唔少料。

「哈佬呀希哥！」求人緊係要有禮貌啲啦





「有咩幫到你呀？子～樂～」又係呢把嬌嗲聲，唉～算，有野要求佢就猶有忍一忍先。

「係呀～你真係冰雪聰明嘅姐」

「少講廢話嗱，入直題啦～」

「好呀！我就係鍾意你咁爽快！」

「又想溝邊個呀？」屌，你又睇穿我





「咩呀？唔知你講咩喎」一嚟就俾人揭穿，唉～

「好囉～唔好知～唔幫啦～走先啦～bye~」出到呢招！？好你贏

「唉～你贏嘞。」

「今次邊個咁好彩呀～」

「庭庭。」





「庭庭？唔係係開學禮做司儀個個呀？佢鍾意收兵多啲喎！」

「我知，所以要溝到佢好難，但係我決定咗，今次實掂。」

「好啦～我盡我能力啦，祝你好運。」

「多謝」