鐵血的孤兒 - 異界戰士: 第一章 - 真正踏上旅途

[咁你出發啦！去完成你既任務！
雖然我好想咁講呀~~ 但係仲未得住]

[吓？！ 點解呀？？]

[ 我哋帶你過去係送人唔送機，
你無MS過到去咪又係做炮灰.....]

聽到呢度我真係Ｘ出嚟！
......估唔到天界係咁嘅服務態度.......竟然送人唔包機.....





[咁.... 我要點先得...]

[ 好簡單啫， 自己砌盒模型，
我就有辦法將佢變成MS。]

[ 吓！！咁都得？？]

[三日之後攬住隻模型瞓，
到時我哋再見啦~~BYBY]





[ 喂！喂！]

突然眼前白濛濛一片， 我從床上責醒，
隨手拎起身邊嘅手機確認一下時間。

上午7:00am

[ 發夢.....]





我用手擦一擦面， 正當準備落床預備返學時，
手機訊息鈴聲突然響起
， 心唸一大早邊個send訊息嚟呀， 我打開手機的訊息功能，
的確有一個未接訊息，上面這樣寫著。

{ 記得三日後見啦}
............

[ 原來唔X係發夢...]

我一邊帶著無耐嘅心情，一邊起身梳洗，
即使知道三日後要離開， 今日都唔可以抗課~~
連忙收拾好後書包，就出門囗番我最後一日既課程。

落堂既鐘聲響起， 我拖著疲倦嘅身軀走出校門。




老實講全日都冇辦法集中精神上堂，
除咗成個頭都係嗰個自稱神嘅說話之外。
仲要考慮究竟帶邊一部機體最適合.... 真係頭都痛！
但，再諗都冇意義不如親自去揀！反正聽日係星期六。
於是我提起腳步朝著深水埗福利模型前進

半小時後終於到達福利模型， 我非常認真審視著每一盒模型，
每次行模型鋪都係我既一大樂事， 但今日竟然覺得係最麻煩嘅事。
ZZ、DX、Wing 0 唔同種類既機體應有盡有。 到底應該揀邊一部好呢。
心裏充斥著很多的打算。 但卻揸不定主意。

[ 真係呀！ 原本呢啲嘢已經夠曬二次元超展開，
而家仲要搞到好似 build fighter 咁自己帶部機去打！！.....]

[ 咪住！！build....fighter.... 創戰者......




其實都唔使揀，自己整咪得囉！]

而事實上，我一早已有一個構思計劃。

[ 橫掂都係要整，早同遲嘅分別啫。]

講完我就立刻拎起本身預計要買嘅材料同模型。 畀完錢就返屋企開工。

就係咁過咗兩日， 星期日嘅朝頭早。 屬於我嘅專用機終於完成！

名為(尼斯高達)，淺藍配色，用爭奪高達作為基礎 ，
加入00Q 太陽爐同浮游gn劍， 主要武器为高出力超米加粒子炮Z和鐵劍Kai，

亦完全改良咗噴射部件，最後加入伯納夫斯基放射器，終於大功告成！





我睇住呢部心血結晶真係差啲喊出嚟。

始終佢都係我第一部如咁認真去整嘅作品。

所以我可以話係將想像力發揮到極至！

..............

時間下午22:00 p.m

我攬著自己部機體既緊張又興奮，
喺床上一個鐘頭後終於瞓著咗。
我又再一次回到這個純白色的空間......

[ 係咪準備好部機喇？]





[ 梗係啦搞得我幾辛苦！]

在態度上多少有點抱怨地說。

[ 嘩！呢部咩嚟㗎？！好似好勁咁喎！ 一定整得好畀心機。]

[ 佢緊係勁啦！ 都唔知係因為邊個...]

[ 既然係咁你就畀心機啦。 最後提一提你，
你唔可以畀人知道你係第二世界既人， 如果唔係會被強制遣返~~]

佢講完呢句說話，拍一拍手指， 模型發出綠色既光芒。
依道光越來越大，最終包圍我全身。

.....................
.....................

呢度好黑..... 咩嘢都睇唔到.....
只係聽到好嘈吵既聲音， 係咩嘢聲？？

爆炸聲...... 我慢慢撐起隻眼，
發現自己係一個駕駛艙入面...... 然而眼前嘅就係..........

地球軌道攻防戰。