訓醒後, 我多左三個老婆: 23. 人生贏家

之後，兩個老婆同我一齊沖涼，一個巨乳，一個長腿咁服侍，照計我應該可以九秒九回氣，但可能真係太攰，我全晚都係脹脹地但硬唔到咁。但亦因為咁，我好似可以用返個腦諗野。 之後一齊浸浴缸，我再一次諗起到底老爺想做乜，但我又唔可以直接問，所以我要試下佢地。

 我「其實老爺要你地咁做，要做到幾時？」
 阿儀同寶鈴都嚇一嚇，唔敢出聲。
 我「我知道係老爺派你地黎架喇，亦都知你地黎做乜，我係唔知你地要咁樣做幾耐，同埋之後點啫。」
 寶鈴「其實⋯⋯」
 阿儀即刻搶住出聲「唔係架，老爺無叫我地做咁多架，其實係我地傾好自願架」
 最起碼，我知老爺係成件事最後話事嗰個，而幾個女仔都係老爺派過黎既，咁我有乜辦法知道老爺既身份同佢既目的呢。
 實鈴「其實，邊個同你講架？」
 寶鈴平時蠢蠢地咁，無諗過佢咁聰5，佢哩一問，亦都令阿儀清晰返。




 我「其實邊個講都唔緊要，最緊要既係我地可以咁樣幾耐⋯⋯因為我唔想就咁就完結呀」希望哩招對寶鈴有用。
 寶鈴「其實都係睇你既啫，既然你都知，咁你都應該會知點先可以耐啲，其實我地都想」
 死火，寶鈴咁一下就完左個 topic，我話唔知，即係比佢地知道其實我乜都唔知，如果我話知，咁我真係講唔到落去⋯⋯
 之後我攬住佢地「放心，我會盡力令我地可以一直咁落去」
 阿儀「你真係得至好講，下巴輕輕」之後就錫左埋黎。哩一啖，我感覺得佢地既愛意，我諗佢地應該唔係諗住害我，咁李太會唔會都係咁？其實佢都係對我好呢？
 寶鈴「好喇，我地今晚沖完涼，服侍下你，之後一齊訓喇」

  之後，我地沖埋個涼，抹好身就上床，佢地口中既「服侍」就係幫我按摩⋯⋯要呀，哩幾日真係用左唔少體力。佢地細心咁同我按腰，背，腳，令我哩幾日既肌肉酸痛慢慢消失。坦白講，我真係有諗過不如唔好諗咁多野，享受哩個皇帝咁既生活。按下按下，我又再一次訓著左⋯⋯

  我發左一個夢，一個好奇怪既夢，夢入面既我係一個國家既王子，因為政變，父王送左我出去皇宮，叫人睇住我。政變後，父王比人困住左，新既政權週圍搵我，我身邊既人一個一個咁出事，我努力要光復返個政權。但到最後我發覺原來我最近身既人先係出賣我既人，因為我好清楚咁聽到佢打左個電話「佢應該未知既，因為佢知道後唔會咁既反應。」之後，我就嚇醒左。





  我見到阿儀坐晌床邊，同我抹緊汗，而寶鈴就晌房門口講緊電話。寶鈴見到醒左，就走過黎。
 寶鈴「係唔係發惡夢呀，你好成身都出晒汗呀」
 我「個夢係有啲怪，但又唔可以話係惡夢黎既」
 阿儀「你又出汗，又踢晒腳咁，唔知仲以為你鬼上身添呀」
 我「鬼上身都好過比鬼砸喇」
 阿儀「咁你想比鬼砸定我比砸先？」
 我「比你砸定比我砸先」
 寶鈴「好喇，起身喇，早餐都差唔多整好喇」





  出去望一望，早餐依舊豐富，依然都係夠餵飽四個人既份量，反正聽日要返工，唔好諗咁多無謂野。正常我坐低準備開餐時，門鐘響起，寶儀去開門，「修哥哥」小芹直接就衝左入黎。個感覺同老婆接個女放學返屋企真係無乜分別。

  小芹拉起條裙就直接跳上我大脾攬住我，要我餵早餐比佢食。嗰刻我真係忘記左「老爺既心思」，因為一個大波既老婆，一個長腿既女朋友，加埋一個咁嗲既女。成單野你話唔係上帝設計好我都唔會信。但係，我始終都好在意「老爺」既存在。

  當晚，可以話係我成世仔最開心嗰日，我地無瘋狂咁啪啪啪，但我感覺到強烈既愛意，我諗，我愛上左佢地三個。活潑既阿儀，溫柔既寶鈴同埋可愛既小芹，我唔識揀，不過好在佢地都無要我揀。



 ======= 第一季完 =======