[校園][純愛]《身旁的那一個》: 第二十七章

講完咁多件事之後

都差唔多去到年尾

我哋早幾個chapter咪講秋季旅行嘅

計返條數都去到年尾，

老實講我真係冇乜特別細藝好做





個人唔外向冇辦法

講嚟講去都係嗰幾條友

所以有時冇特別嘢我都skip咗佢就算

不過呢一年聖誕就有啲特別

話說學校搞咗個乜鬼嘢足球義工團





講明先我踢波就唔叻

興趣亦都不大

不過miss都講明畀面party要搵幾個去

講明畀面party，

唔使問啦肯定搵啲睇得嘅女去





嵐嵐愷晴呢兩個喺班入面數一數二自然少不了

點知呢個鍾曉嵐真係賤種

又開我個名出嚟

搞到我都要去

所以嗰日返屋企msn我都係咁屌鳩佢

我:「講到賤格你真係第一個」

嵐嵐:「鬼叫你講我先」

我:「撚有」





嵐嵐:「你真係傻仔呀唔好以為我聽唔到」

我:「痴撚線都唔知咩耳仔」

其實我真係有叫佢個名嘅

嗰陣班上喺度擾攘，

我諗住搏佢聽唔到

就喺度開佢個名

嗰陣佢冇望過嚟㗎，





屌原來一早聽到

正一小人

嵐嵐:「益埋你啦特登叫埋愷晴」

我:「咁又點

我想偷懶呀屌」

嵐嵐:「你真係冇q用呀」

我:「戇鳩鳩都唔知去到做乜」

嵐嵐:「好似話同班小朋友一齊玩」





我:「嘩我麻麻地小朋友喎」

嵐嵐:「有啲好得意㗎

係咁喺度嘈嗰啲我都唔鍾意

畀機會你呀叻仔

喺愷晴面前展示愛心」

我:「呢啲真係唔好搞啦」

嵐嵐:「又真係咁啱得咁橋





Teresa提早去旅行所以唔去

夠人嘅話應該唔使搵你哋」

大個咗先發現，

呢個世界邊有咁多咁啱得咁橋呀.


我記得當年呢個義工活動係聖誕節之前

海狗呢個仆街好八卦

係咁問我聖誕節有冇節目，

講咗十幾廿次都話冇

有晚我哋出嚟食飯傾計，

海狗:「冇約女咩」

我:「真係冇呃你做乜」

海狗:「兩個都咁靚兩個都同你咁熟

會唔會咁浪費」

我:「我同愷晴其實真係唔係你諗到咁熟

依家都係friend啫」

海狗:「咁嵐嵐呢

你冇否認喎」

我:「都係嗰句，

我要同佢有嘢呀一早有咗喇」

海狗:「老老實實我覺得真係有啲嘢

次次呀你兩個喺度，

一定雞啄唔斷

我心諗有冇咁多嘢講」

我:「咁大家啱傾啫

同鍾意拍拖兩回事啦」

海狗:「你上次咪激嬲佢嘅

我屌你條友，

最後薄荷糖都氹得返人」

我:「咁係因為佢市儈

薄荷糖都唔放過

你真係唔熟佢啦」

海狗:「我真係唔熟你呀

原來咁q戇鳩」

我:「講真喎唔係鬥氣真係冇嘢」

海狗:「好啦好啦

聖誕你就好啦享齊人之福

做下義工拖下手仔

打個丁都起勁啲」

我:「你呢啲對住我講好喇」

嗰陣我真係覺得同嵐嵐邊有可能

大家好friend好熟就係咁囉

佢好了解我，

我亦都知佢有咩鍾意有咩唔鍾意

咁大家咁了解嘅時候

相處自然舒服啦

冇理由因為咁就話有嘢囉

至少我由第一日開始，

對佢都係冇好似電視電影卡通片咁樣嘅感覺

好緊張呀個心會係咁跳唔知講乜好，

真係一次都冇試過.