[校園][純愛]《身旁的那一個》: 第二十二章

之後即刻拎本手冊出嚟

我記得好似有抄低其他同學電話

男仔女仔都有，

跟住喺度對

哈哈終於搵到今次個關鍵人物





咁就二話不說打過去

我:「賓仔你好

有樣嘢想請教下你」

賓仔:「做乜鬼呀無啦啦打嚟」

我:「想唔想同嵐嵐一齊燒嘢食呀」





賓仔:「梗係好啦」

我心諗呢個賓仔，

一講起嵐嵐

就連自己老母叫咩名都唔記得

呢個時候梗係搵佢笨柒





唔叫佢幫手真係對唔住自己

我:「就咁嘅佢條仆街就怕醜

不過啲水好重又拎唔到

唔好話我唔畀機會你啦

你唔得嘅就我嚟㗎啦」

賓仔:「嵐嵐唔係仆街

你會咁好死」

我:「講咗十次都係同佢冇嘢





係你都唔信

今次信啦係咪呀」

賓仔:「好嘢

係咪幫咗佢就可以一齊燒嘢食」

我:「佢都係人嚟嘅

你咁幫得手，

點都要派返啲福利」





賓仔:「好呀咁點樣幫」

我:「佢依家就唔得閒，

頭先就畀咗錢我叫我買水

依家啲水喺我度

我哋喺邊度邊度等

跟住聽朝你畀我咪得」

賓仔:「一於咁話」

跟住諗諗下唔係喎，





如果聽日佢返到學校先畀我

咁咪畀嵐嵐斷正

條友真心幾醒目

諗諗下都係唔好，

所以最後就約咗賓仔食早餐

早啲交收贓物咁就唔會畀人發現啦

好彩有人幫手啫如果唔係重死我





依家我都只係需要喺食完早餐返學校嗰段路程拎返

簡直係好得多.


第二日我哋就食早餐啦，

我已經叫咗賓仔陣間唔好似癲狗咁

無啦啦行埋嚟圍住嵐嵐

我係女我都走啦

我同佢講陣間燒嘢食先好過嚟

因為到時一定有班人行去唔知邊度玩

少人啲咪可以順便坐落嚟燒嘢食

你估miss真係咁著緊啲分組咩

冇出事就冇問題架啦

我仲特登叫佢帶棉花糖過嚟燒

因為小弟我鍾意食

當然呢啲費事同佢講啦

食完早餐我哋就返去

我又驚嵐嵐條友早返，

見到我同賓仔一齊肯定又問呢問路

分分鐘畀佢知道我搵佢過橋

我呢啲人梗係唔會畀啲事發生

所以就同賓仔講

我:「屌唔記得拎香口膠

返屋企先」

賓仔:「買咪得囉使唔使返屋企」

我:「我食慣嗰隻

你返嚟先啦我後入」

賓仔:「好啦拜拜」

搞掂

跟住我就喺學校後面有啲凳嗰度坐低咗，

坐一陣跟住先入學校

真係好邪

入到去操場已經見到嵐嵐

嵐嵐:「又話有檸檬茶，水，茶同埋汽水嘅」

我:「我六隻手八隻腳咩

梗係一人分啲」

嵐嵐:「我就知東哥最叻就係安排」

愷情:「咁檸檬茶嗰啲

係咪就係另外兩個組員負責拎」

我:「講到醒目你真係第一個」

愷情:「痴線咁誇張」

嵐嵐:「三個人拎四樣嘢

一定有個拎多樣

嗰個肯定唔會係東哥你」

我:「原來你先係最醒」

嵐嵐:「少少啦

第一日識你咩」

跟住另外嗰兩個組員都返咗，

暫時就真係好順利.