[校園][純愛]《身旁的那一個》: 第十章

於是第二日我就問老母磅水買衫

大佬呢啲衫都唔平

同埋有套西裝或者恤衫遲啲可以keep住著丫嘛哈哈

謝師宴呀畢業禮啦跟住婚宴嗰啲場合呢

所以我寧願買好少少
費事貪平最後得個桔要再買過





不過咁講，

我呢啲窮撚點會買真係好貴嗰啲丫

咪又係千幾二千蚊就算

好彩我老母對住我就好少好孤寒

基本上要買乜問佢就得





仲要唔會喺零用錢嗰度扣

又唔會要我畀收據佢

可以打斧頭

世上只有媽媽好

老母:「你自己一個出去買呀





定係搵海狗兩個一齊」

我:「靠海狗就聽乞米啦

我同嵐嵐去買呀」

老母:「嘩你問下佢呀

我今晚煮埋佢飯都得」

痴撚線呀咁興奮做乜嘢

我:「唔好喇費事畀佢哋上嚟我屋企」





老老實實我自己真係唔鍾意畀人上我屋企

講真嗰句亂就唔係好亂

老母平時都有打掃拖地嗰啲

屋企唔係好大，

但你話三四個上嚟我屋企都唔會逼嗰種嚟嘅

不過就係唔多鍾意囉

所以咁耐以嚟我都冇叫佢哋上嚟我屋企

當然佢哋都識做





見我冇講就冇話上嚟我屋企玩，

老母:「有咩問題啫又唔係唔見得光」

我:「唔好啦唔鍾意呀

佢都可能要返去食飯啦」

老母:「唉算數啦，

唔係喎陣間出去買啲生果畀佢，

死仔今晚返到嚟打畀我





送啲生果畀嵐嵐」

我:「好啦好啦到時先算啦

講明先佢唔想唔關我事呀」

老母:「得啦」

我:「老母不如咁啦你買畀我食咪算囉

分畀佢有咩用我先係你個仔」

老母:「總之唔會少你嗰份

額外再買多啲咪得，





你真係死蠢」

我:「好啦好啦」

搞掂晒啲嘢晏晝就出去

話說嵐嵐個人好有規律

有好多自己嘅規矩

唔鍾意突發同埋即興嘅，

你話好似尋晚咁，

早一晚約走就冇問題

但係如果你話好似即日朝早講晏晝出去嗰啲呢

佢多數都唔得

我又冇問佢呀不過知道佢係咁嘅人

同埋佢話朝早要溫書

所以平時禮拜六日佢都唔會好晏醒

總之佢生活就係咁

簡直係傻傻地

佢有時話好忙嗰啲時間

我知道佢唔係吹水

因為佢真係好忙，

總之喺屋企有自己嘅嘢要搞

佢搞掂晒啦咁佢就好得閒

所以佢寧願早啲起身

做晒佢應該要做嘅嘢，

晏晝就會得閒啲

可以出去玩下行下街都得

真係奇撚怪

我就好易話為嘅

我同佢出街基本上都係佢定時間，

不過我知有條友以前約佢搞到佢唔爽

唔開名啦因為唔係一個重要角色

大約就係嗰條友約佢朝早去行山

佢話唔得因為要溫書

嗰條友話唔緊要啦溫書呢啲嘢遲啲先溫

朝早行山空氣好啲

跟住佢講多次唔得

嗰條友繼續喺度又囈又西

之後佢就起勢咁屌

後尾佢同我講返就話呢啲人好自私

佢最憎就係啲咁嘅人

同埋話我條柒頭冇嘢好

呢方面真係唔錯

你睇佢幾撚仆街

讚人都要講幾句彈下我先得

所以我同佢喺呢方面就冇乜衝突

講下講下終於去到

我習慣就早啲去嘅，

其實唔係淨係同佢會咁

我約其他人都會咁，

早少少去到目的地跟住匿埋喺度伏人

好撚無聊呀可不過真係幾好玩哈哈哈

所以呢日我都係咁做

冇幾耐佢就嚟到，

見我唔喺度就打畀我

嵐嵐:「出嚟啦我知你到咗㗎啦」

我:「你真係醒」

跟住我就出嚟，

迎面行過去

嵐嵐:「好無聊呀你真係」

我:「行啦我哋」

嵐嵐:「妖」

我:「做咩呀」

嵐嵐:「唔知呀想鬧你囉哈哈」

我:「痴撚線

好啦今日真係靠晒你唔好水我」

嵐嵐:「唔知㗎可能我想玩嘢整蠱你」

我:「知你唔會嘅」

嵐嵐:「懶醒

行啦.」