[校園][純愛]《身旁的那一個》: 第七章
得返我同埋愷晴兩個

老老實實我都驚尷尬

好熟又唔算好熟,
不過又唔係完全唔識

頭先大家傾得開心係因為有嵐嵐喺度撐住個場

佢唔喺度就冇辦法啦

唯有搵啲嘢講下

不過又唔想做到好狗公

所以都唔知點

結果我想講嘢嘅時候,
愷晴佢就搶先講咗

愷晴:「我聽嵐嵐講呢

你兩個中一識到依家

又會friend到咁耐嘅

我:「其實我中一上學期真係同佢坐嘅

你都知佢啦串柒柒咁樣

唔係唔係唔係好囂張好囂張先啱

愷晴:「唔緊要呀你繼續呀冇所謂呀哈哈

我:「其實我都唔知點解會同佢熟,

我又冇幫佢做啲乜

慢慢呢就唔知點解開始多嘢講

愷晴:「你知啦我哋有班friend㗎嘛

上年呢我哋成日以為你兩個拍拖㗎

我:「唔係呀真係friend嚟㗎咋

愷晴:「嵐嵐都係咁講囉

不過我哋初頭唔信㗎,
好搞笑㗎佢講親你呢

雖然成日都係衰嘢

但次次都講好多

你哋真係好friend

我:「咪住先,

佢條友講我咩衰嘢

呢啲真係仆街

愷晴你千祈唔好上當

我:「咪話你懶呀陰濕呀度縮呀嗰啲囉

我:「痴線嘅懶都得罪佢

今晚返去屌鳩佢先

愷晴:「講笑啫佢

你唔知咋佢一路講一路笑

同埋我估你都知啦佢好少男仔深交嘅朋友

我:「講真我覺得男同女唔係得拍拖

我同佢叫做熟少少咁囉

有嘢一早有嘢啦

佢要拍拖好容易啫搵賓仔咪得

佢叫賓仔切條撚畀佢煲湯都得㗎喇

愷晴:「咁核突唔好啦

嵐嵐佢話唔想畀無謂希望佢喎

因為真係唔鍾意佢

有時我哋問佢鍾意邊個又冇講

我:「係呀我成日叫佢搵賓仔做水魚

佢都話唔想畀假希望佢

係喎識佢咁耐都冇問過佢鍾意邊個

得閒我都問下先

愷晴:「咁又係

哈哈原來你冇問架

我:「冇呀呢啲關我撚事咩

不過依家你話講八卦嘢

我先至諗係喎問下都好

埋單之後出去行一陣

愷晴:「嗯.
好呀

出到去附近啲商場行一陣

我就冇所謂嘅

鳩行都得

同女仔行街梗係女仔話事啦

結果最後睇咗護膚嘢

跟住佢見我噏得出護膚啲基本野,
佢就好驚訝

愷晴:「嘩原來東仔你知㗎

我:「係呀

我有去我老母嗰間嘢做facial

當然唔係用機做嗰啲啦,
都係定期清潔下跟住敷個mask嗰類囉

愷晴:「好少聽男仔做facial

我:「嗰間舖頭幫我老母做開

咁樣先幫我做埋啫,
我又唔係好介意嘅咪做囉

愷晴:「唔怪得你入到嚟喺度睇啦

我都驚呢啲嘢唔啱你哋男仔睇

我:「第一個本身有接觸開啦,
第二就係我都陪過一個粉腸入嚟睇㗎喇

愷晴你點睇都唔係粉腸

梗係冇問題啦

愷晴:「痴線無啦啦話人

我:「邊有話你我咪話你唔係

愷晴:「我話你話嵐嵐呀

佢又好搞笑喎畀你咁樣話親都冇嘢

我:「你估佢叫我又好聽咩

我哋係咁稱呼開

愷晴:「你哋真係好搞笑

嵐嵐皮膚好好呀

佢本身都好勤力保養

我:「我間唔中會同佢入嚟睇嘢嘅

我依家用緊嗰啲洗面嘢都係佢幫我揀

乜鳩Toner呀精華呀同埋面霜嗰啲呢

我嗰陣都係信佢㗎咋

一度有諗過佢條仆街會水我整蠱我,
點知冇喎真係幾好用

自此佢得閒就叫佢幫我買埋

佢唔得閒我就過嚟自己買

愷晴:「佢把口雖然成日話你咋,
不知對你幾好

我:「佢對你哋都係啦

愷晴:「係呀

佢以前知道我唔多朋友,
對住啲陌生人會好生保

都好照顧我

我:「係喎愷晴你真係好怕醜

我見你上堂都鳩下鳩下咁樣

我屌唔係呀

即係對住啲唔係好識嘅人會唔知點咁樣

不過識落就唔係咁

愷晴:「你真係呀

咁我係咁丫嘛冇辦法啦

不過其實東仔你親和力好好

好多人好容易就會同你熟

我:「哈哈哈哈我都唔錯㗎

愷晴:「好搞笑呀你

我:「痴線仲話我閪

收皮啦

愷晴:「下

我:「冇嘢冇嘢講錯嘢冇事冇事

愷晴:「哈哈哈你真係好搞笑

死啦我以為同緊嵐嵐行街

因為平時呢我成日會屈佢鬧我

即係好似頭先咁,
跟住佢就會話邊個鬧你呀

講出嚟聽下

我同佢會玩埋啲咁無聊嘅嘢

死啦依家係愷晴我個腦短路唔記得咗

好彩冇事好彩冇事

跟住行一陣我哋就返去啦

我都相信經過呢一餐飯,
我同愷晴個關係應該會拉近咗唔少

真係多謝嵐嵐嘅

佢喺度嘅話愷晴都係黐住佢多

咁我同愷晴就好難好似依家咁拉近關係.」