《我同幾條女嘅瘋狂往事》: 10.3

「禮拜四，中國文學，我地揀咗做元曲。」組員甲補充。

「唔係呀嘛？」我不敢相信：「咁快week4喇咩。」

老神在在的組員甲展示手上一紙課程大綱：「今日就廿七號，禮拜二，禮拜五十月一號放假之前，即係三十號夜晚十二點前，我地就要upload做好咗嘅PowerPoint上Turnitin，禮拜一導修堂就要present，我地真係剩返兩日時間做。」

「唔知大家......諗咗做咩題目未？」組員乙。

「就係未！」謝世傑切入主題：「大家有冇啲咩諗法？」



經過一番激烈討論，四個臭皮匠，半斤八兩，結果不言自明。

日暮西山，仍走投無路，我們決定求助。

秋深漸入冬，肅殺之氣縈繞。

「呢個題目，」酷似大蕃薯的教授，眼鏡半托於鼻梁，雙目乍地一抬：「係你地邊一位諗㗎？」

早就嗅到氣氛不太對味，正襟危坐的四人只大眼瞪小眼，沒一人敢作聲。



「啊！」腿上忽然吃痛。我就這樣被世傑無情出賣。

「呃......」我和大蕃薯對上了眼，只能硬著頭皮上：「咁個題目就......主要係我提出嘅，咁我地都覺得可行性——」

「——可行性？」平日和藹可親的他如今怒目相向，「禮拜四就deadline，你地組都算好嘢，家陣先嚟consult同我講可行性？」他一手將我們應付了事的大綱摔向桌面：「仲要比份咁嘅垃圾我，離曬大譜！」

擠逼的房間，只有連珠砲彈過後的迴響。

「我有冇講過話要提早預時間consult呀？」



鴉雀無聲。

終於，一行人默默離開，有如狗血淋頭，而我，首當其衝。最慘的是，苦遭砲轟，最後卻一無所獲。潰軍圍坐，士氣低迷。

「西廂記！」聞訊深入虎穴後，作為教授前寵的Crystal報來喜訊，「professor講㗎，得返兩日時間，呢個最易做㗎啦。」

我們無一不大喜過望，連連答謝，謝世傑亦爽朗致謝，一點看不出被發好人卡後的尷尬。簡單查閱資料後，有了大致方向。

組員甲有約在身，走得最快。趁組員乙去廁所的空隙，我問世傑：

「咁快就冇嘢喇？」

他瞥了瞥坐在不遠處的Crystal，春風得意：「天涯何處無芳草。」

「睇你咁嘅衰樣，實破咗喇？」



「康兄，比心機，快手少少喇，試過真係返唔到轉頭。」

心中五味雜陳。

「上次果個Jamie？」我問。

「咪就係Jamie咯，多得你咁識揀。唔單止身材豐滿，個樣都幾標緻。」

他一拿出電話，剛好，Jamie就打了過來。緣分，細枝末節也不放過。

「哎呀，我都差唔多喇喎，有機會再比你過目啦下。」

交配，人類一等一的大事，我還能多說什麼？



最後的組員乙也不甘落後，跟著世傑後腳，也走了。

於是乎，這裡又只剩下了我和Crystal。