《我同幾條女嘅瘋狂往事》: 張婉婷 2.2
「係呀，咩事？」她眉頭一皺。
「……喔，冇呀，見你自己一個，咪搵你吹下水。」場面不如預期，我尷尷尬尬地繼續說道：「叫我Kevin啦，中文名林日康。」
「哦，你好。」
「你點解讀中文既？」
她眼尾瞥我一眼復又向前：「你又點解讀中文？」
「冇呀，英文廢咪唯有讀中文，讀其他科用英文上堂考試真係搞唔掂。」band3中中的我感嘆。
「好似好多人都係咁。」
「哦…原來你有聽我地講嘢既…見你好似不問世事咁。你呢？你又跛英文？」
「你當係啦。」
「咩叫當呀，唔通你跛中文？少有啵。」
「唔重要啦。」她興致缺缺。
「唉，入得呢度唔係跛中文就係跛英文㗎喇，同是天涯淪落人，不落難不相識啦。」我幫她打圓場，場面又靜下來。
吊在隊尾的我們走著走著，她突然說：
「你咁樣都幾攰。」
「okla，大鄉里出城係咁㗎啦。」我拉了拉胸前書包的肩帶，又看看她腰上背著的小布袋：「幾醒目喎你，識得咩個呢啲咁既袋仔。」
「唔係講緊呢樣呀。」她語氣不耐煩。
「咁有咩咁攰？」我不解。
「算啦冇嘢。」
「講啲唔講啲㗎。」話剛講完，我便想到她所指何意：「咁有時係要social下㗎啦。」說完朝她看去，一頭烏黑短髮下眼神冷峻。
「其實都幾開心呀，識下新朋友。」我抱頭看天，恰如熱血漫男主。
「你鍾意咪得。」她的話像根針。
「你呢？唔去social下？」
「點解要去。」
「識下人都要掛，你想成個asso生涯都自己一個上堂食飯咩，好慘㗎。」
「有咩咁慘，你未試過自己食飯咩。」
「少尷尬咯，有人陪，吹下水起碼唔洗咁悶吖。」我暗自佩服她的內心強大。
「要同啲垃圾坐埋一檯食飯不如叫我去死。」
我吃驚於她的直白，卻也發自內心地感到有趣。
「睇黎你有啲不為人知既過去喎。」
其實大概也能看出來，她應該是那種中學時期不合群之餘還被同學排擠的女生，不過……她這種直話直說得如此乾脆的卻也少見。
「我有，你又有冇？」她眼神中的銳利一閃而過。
「講笑姐，唔洗咁認真，過去就由佢啦。」
如果真要把那些不為人知的過去講出來，恐怕會嚇死她，這數月以來的荒淫人生……不，我忽然對這理所應當的結論有所懷疑，畢竟……
「……」她默默走著，沒有要回應的意思。
未幾，我自覺適時地開啟新話題：
「話時話，你住邊頭？」
「元朗，你？」
「咁啱既，你隔離。」
「天水圍？」
「大家都係大鄉里，不用分得這麼細啦。」
「……」
在去到professor辦公室之前，我和她還算有一搭沒一搭地聊著，沒有講不完的話，經常冷場，但也不覺不自在。
後來在office她被系主任點名，學霸光環加身，身邊的人多了起來，正常人也許會受寵若驚，她卻是讓我們都受了驚。
「喂喂喂，真人不露相，露相不真人，原來你就係學霸婷本人！」師兄總出現在人群焦點，無論焦點是不是他。
「七科，三十五分，好癲！」格仔恤衫文質彬彬的男同學言簡意賅。
「……」
「我都係前幾日聽返黎咋，估唔到……」可愛師姐水汪汪的大眼睛睜得更圓。與此同時另一把聲音迫不及待：「神科都讀到啦！點解咁諗唔開讀asso呀？」
「體驗民間疾苦，你識條鐵咩。」Crystal如是說。
「……」
「睇…睇…睇唔…」
沒等結巴同學說完，張婉婷淡淡地說：
「你知唔知你地好撚煩啊。」
結果一如她所望，六根清淨，了卻塵緣，額頭鑿上四個大字：生人勿近。
「你同佢咁friend，知唔知發生咩事？」
「係咯係咯，又會突然咁嘅，好得人驚呀。」Crystal躲在師兄背後，露出半個頭。
突然其來的變故讓和她順路一齊回家的打算胎死腹中。我看著發霉的天花板，煩惱不已。
她好像和我還算聊得來？
還是只不過我碰巧沒惹毛她？
不知道以後會不會和她成為朋友呢。
不過，這樣會和她一樣被當作怪人吧……
我們應該還不算朋友吧……
那……見面要不要打招呼？
啊…好煩……
那天晚上，我設想了許多處境。不過，任我如何天馬行空發揮想像，也不會想到我們居然會發展出這種關係……