【校園】【愛情】A0毒男的愛情史: 【迷惘】

【劇情支援者:「喂，你條粉皮試下加插女主角嘅劇情落去，姐係第一身寫汪芷晴吖，你唔加以後咪揾我幫你手，被直接威脅了。」】

【考完統測啦，好興奮啊啊啊啊啊啊啊啊啊啊啊。】

嗯，我係汪芷晴，今日自己一個返屋企途中。

「我想同你一齊行返屋企多啲。」聽到林梓圓咁講真係嚇一跳。

佢咁講咩意思，我哋唔係扮情侶關係咋咩，佢唔會真係鐘意我掛，你話我對佢有冇好感？我相信係有，不過嗰種應該係朋友之間嘅好感，定其實我喺不知不覺間真係對佢產生咗感情？





「有啲想食雪糕添。」我走到常去嘅甜品店。

離遠看見Amy同啊Kristy都喺裡面，入去傾下計都好，好似好耐都冇咩傾過。

「你哋兩個都咁啱喺度嘅。」我說。

「晴？呢個時間點都見到你嘅。」Kristy說。

「係囉，你做咩自己一個嚟嘅。」Amy說。





「返屋企個陣突然想嚟食下甜品嘛，離遠又見到你哋，咪順便入嚟囉。」我說。

她們兩個抬頭看著我。

「乜我塊面有污糟嘢咩。」我問道。

「冇，你平時隔離嗰位仁兄呢。」Amy問道。

「佢有啲事走咗先。」我坐下說。





「你有心事？」Kristy姐看出了弊端。

「都算係嘅。」我說。

「係咪佢蝦你，等我去鬧死佢。」Amy說。

「唔係吖。」

「咁發生咩事吖。」kristy問道。

「你哋唔會講出去㗎可。」我說。

「一世人三姊妹，有咩秘密啫，我嗰個秘密都講咗你哋聽啦。」Amy說。

「你嗰個點同啫，心上人咋嘛。」我歎氣說。





「喂呀，乜咁講嘢㗎。」Amy說。

「得啦得啦，收聲啦姣婆，揾你嘅andy啦，你畀啊晴講先啦。」Kristy姐說。

「咁你嗰個呢，收收埋埋，仲話姐妹喎。」

「食你甜品啦，咁多嗲嘅你今日。」Kristy姐一支叉連同蛋糕，狠狠地隊咗落amy把口度。

「...」我再三思考過後，都係講出嚟舒服啲，一個人收收埋埋啲秘密，谷住谷住，真係人都顛，何況唔同自己最親近嘅朋友講，仲可以揾邊個，社工？老師？都幫唔到手㗎啦。

「就係咁。」故事講完。

「...」她們兩人目瞪口呆看著我，一臉茫然。





「做咩咁嘅反應，應下人啦，喂~~」我說。

「你畀我消化下先，資訊量過大。」Amy說。

「唉，彤彤你呢，點睇。」Kristy=曉彤，作者突然唔想再用英文名，遲啲一次過改曬佢，加埋前面嗰啲，男角色都可能會改。

「嗯，真係估唔到你哋咁好戲，完完全全畀你哋兩個呃咗，好嬲呀呃咗我哋咁耐。」曉彤說。

「哈，都唔知係好事定壞事。」我無奈。

「兩邊都有啦，不過你覺得邊方面好啲先。」曉彤說。

「唉~我都唔知吖。」我歎氣。

「聽你咁講，你都唔抗拒呢個人吖，不如真係試下同佢一齊囉。」曉彤說。





「我唔想咁樣求其揾人拍拖吖。」

「都唔算求其吖，你哋都同班咗三年。」

「係就係啫。」

「中學唔拍拖係遺憾嚟㗎。」

「唔好講落去喇，我自己諗啦。」

「有事記得講出嚟吖，唔好收收埋埋知唔知。」

「知喇，知喇。」





「係喎，最近出咗個新產品，好似好好食喎，不如試下。」曉彤說。

「咩嚟㗎。」

「抹茶聖代芭菲。」

「抹茶你都竟然食得落口！你哋認真！？」

「叫啦叫啦，想試下吖。」

「唔要吖，我唔理你哋吖，我冇錢啊。」我說。

「好吖，好吖，我哋兩個自己食算。」amy說道。

「你唔係啱先食先食完個蛋糕咩，唔驚肥？」曉彤說道。

「甜品裝落第二個胃度嘅，唔緊要啦。」amy說。

「肥到隻豬咁你嘅andy唔要你㗎喇。」曉彤說。

「收聲啦。」

未完待續...................