【校園】【愛情】A0毒男的愛情史: 【管理處】

行到樓下管理處個陣，我聽到從背後傳來一把非常之熟悉的聲音。

「圓仔！」家姐邊說邊揮著手一步步靠近我。

「家姐！?」對於家姐係呢個時間點嘅出現，我只感到吃驚，因為依家先得5點左右，平時見到家姐喺屋企出現都要7點幾再後啲。

「咁早翻嚟嘅你。」我說。

「唉，唔好提喇，被人放飛機。」家姐說。





「邊個咁夠膽死放你飛機啊，佢應該未死過。」我說。

「咁熟口面嘅呢位。」家姐終於都注意到啊晴，冇錯我最擔心嘅事就係呢樣。

「欸....我..我同學，上次咪喺你...翻part time個間餐廳...見過囉。」我口窒窒地說。

「哦~原來係咁。」家姐冷笑了一下。

「你好，我叫汪芷晴。」啊晴輕輕點頭示好。





「Hi，叫我Chloe就得。」家姐說道。

「Hi，Chloe姐姐。」啊晴說道。

「叫Chloe得喇，唔洗加姐姐喇，不過你鐘意咁叫嘅我都唔會逼你改口。」家姐說。

「行啦，圓仔，做咩成碌木企喺度嘅。」家姐說。

「邊有啫。」我終於回過神來。





「哈哈，你同學~咁啱又住喺到嘅。」家姐特登加重同學呢兩個字嘅音。

「係啊，真係咁啱。」啊晴回應。

「唉，要你同我細佬一齊放學真係辛苦你。」家姐你咪再抽水好喇喎，你細佬在場㗎。

「唔會吖，有時佢講啲爛gag都幾好笑㗎，雖然有時都會搞到個氣氛好尷尬。」啊晴說道。

「竟然！?」家姐望向我，睇嚟佢估唔到自己嘅毒撚細佬會咁進取。

「我有𨋢喇，聼日見啦，bye。」啊晴說。

「聼日見。」我揮手告別。

未完待續..................