【校園】【愛情】A0毒男的愛情史: 【事發過後】

是發當日晚上，圓仔立即用WhatsApp同佢家姐講翻今日汪芷晴嘅事，大約講咗一個幾鐘到

家姐:「你講真定講假啊，定係你又上網睇啲咩紙言小說水我啊，睇少啲喇，大個仔喇。」

我:「唔係呢家姐，珍珠都冇咁真，件事就喺今日放學發生，同埋啲紙言小說好鬼好睇，每篇文都係啲作者嘔心瀝血嘅成品，唔好侮辱佢哋。」

家姐:「得得得，都唔係咪㗎，唔講呢樣住，你上次喺餐廳食飯都未同家姐講係邊個女仔。」

我:「我冇講到咩。」隱約記得自己有說過。





家姐:「妖！你個日瞓到成隻死豬咁樣，一起身就打機，打完機就瞓，邊到有講。」

我:「Sor囉，你下次翻嚟屋企個陣食飯記得提我講。」

家姐:「已cap圖，我今個禮拜三就翻嚟屋企食飯，咪洗旨意走數。」

我:「妖，走乜鬼嘢數，癡線。」

家姐:「唔得閒同你講喇，我仲有份assignment要做，聼日上堂要交。」





我:「抵你死，做你功課喇🤭🤭」

家姐:「等我翻嚟你就知死😀😀」

之後無論打機、食飯期間，都阻止唔到我諗起今日放學發生嘅事。

「唉...老尷...之後我要點面對啊晴好，冇理由當冇事發生過掛。」我在睡床上不斷輾轉反側，完全沒有一絲睡意。

在床上煩惱了差不多3小時後，可能是用腦過度，我不知不覺間陷入睡眠了。





未完待續............