【校園】【愛情】A0毒男的愛情史: 【審判之日】

星期一放學，我被兩位友人用麻繩綁住凳上面，依家留低喺班房。

「林先生，你是否認罪，認罪嘅話或者我會判刑判得輕手少少。」法官force道。

「唔認，我根本都冇犯罪。」辯解中。

「好，麻煩傳一號證人。」法官好鬼大權威。

「係，你好法官。」證人一號道。





「麻煩證人你描述一下上個星期五所見到嘅事情。」force道。

「事源是這樣的，上個星期五我去商場買嘢，行行下見個遠處兩個有啲熟口面嘅人並肩而行，我仔細一睇原來係啊林先生同埋汪芷晴，咁我就心諗佢哋搞邊科呢，就慢慢尾隨佢哋兩個，就比我見到佢哋傾得勁開心，之後仲一齊去食麥當勞，我仲有影到相落手機，請法官過目。」竟然被證人一號撞到，真倒霉。

「哈，居然仲有證物，呢次睇你仲點樣狡辯。」法官force拎起手機看著我道。

「林生依家你身上嘅罪名有三個。第一，背叛鴨仔團宗旨，第二，溝女唔出聲，第三，令鴨仔團全體成員感到不爽。」法官force列名。

等陣先，頭兩個都仲可以接受，第三個罪名都算係罪名咩，咁樣同依家香港某啲仆街執法人員，成日亂咁安插罪名落市民身上有咩分別。





我簡單介紹鴨仔團由來，就係一群志同道合嘅偽肥宅無端端撞曬喺同一班，同時又啱傾到傻，就成功創立咗呢個團體，人數為6人。

「你仲啲咩要狡辯。」法官道。

「我要求傳我嘅證人。」我道。

「哦，你有證人?」所有人都同時感到驚訝。

「比我打個電話先。」我要求鬆綁，然後打電話。





「...」法官用眼神示意一陣準備happy Conner我嘅人幫我鬆綁。

「喂，你仲喺學校吖嘛，星期六同你講個件事呢，想你過一過嚟3E班。」我對著電話道。

「哦好吖，我依家喺圖書館，等多我一陣，好快就到。」她在電話裡頭回應。

未完待續....................